ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 13 ຕຸລານີ້ເປັນວັນຄົບຮອບ 2 ປີຂອງການສະຫວັນນະຄົດຂອງພະບາດສົມເດັດພູມີພົນ ອະດຸນຍະເດດ ອະດີດເຈົ້າຊີວິດໄທ ແລະ ໃນວັນດັ່ງກ່າວ, ແຫ່ງຕ່າງໆຂອງໄທກໍໄດ້ຈັດພິທີ ໂດຍປະຊາຊົນຕ່າງກໍໃສ່ຊຸດສີເຫຼືອງ ເພື່ອລະນຶກເຖິງພະບາດສົມເດັດພູມີພົນ ອະດຸນຍະເດດ ອະດີດເຈົ້າຊີວິດທີ່ເຄົາລົບຮັກຂອງຕົນ.
ເວລາ 6:00 ໂມງຂອງວັນດັ່ງກ່າວ, ທ່ານປຣະຍຸດ ຈັນໂອຊາ ນາຍົກລັດຖະມົນຕີໄທ ພ້ອມພັນລະຍາ, ສະມາຊິກຄະນະລັດຖະບານ ແລະ ເຈົ້າໜ້າທີ່ລັດຖະບານ ໄດ້ເຂົ້າຮ່ວມພິທີທາງສາສະໜາທີ່ຈັດຂຶ້ນຢູ່ສະໜາມຫຼວງນະຄອນຫຼວງບາງກອກ ເພື່ອລະນຶກເຖິງຄຸນງາມຄວາມດີຂອງອະດີດເຈົ້າຊີວິດພູມີພົນ ອະດຸນຍະເດດ.
ຮອດເວລາ 9:00 ໂມງຂອງວັນດຽວກັນ, ລັດຖະບານໄທກໍໄດ້ຈັດກິດຈະກຳລະນຶກທີ່ຍິ່ງໃຫຍ່ຢູ່ສະໜາມຫຼວງບາງກອກ ໂດຍທ່ານປຣະຍຸດ ໄດ້ນຳພາສະມາຊິກຄະນະລັດຖະບານພ້ອມເຈົ້າໜ້າທີ່ລັດຖະບານເຂົ້າວາງພວງມາລາ ພວາຍຄວາມເຄົາລົບຕໍ່ພະສາຍາລັກອະດີດເຈົ້າຊີວິດພູມີພົນ ອະດຸນຍະເດດ ໃນບັນຍາກາດທີ່ເຄັ່ງຂຶມ. ຕອນຄ່ຳມື້ດຽວກັນ, ທ່ານປຣະຍຸດ ຍັງຈະເປັນປະທານໃນພິທີໄຕ້ທຽນໄຂທີ່ຈັດຂຶ້ນຢູ່ສະໜາມຫຼວງເພື່ອສະແດງຄວາມຮູ້ບູນຄູນຕໍ່ອະດີດເຈົ້າຊີວິດ.
ຂະນະດຽວກັນ, ແຂວງຕ່າງໆຂອງໄທຕ່າງກໍໄດ້ຈັດກິດຈະກຳລະນຶກໃນວັນດັ່ງກ່າວເຊັ່ນດຽວກັນ.
ຄຳເຫັນ
0