ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານຊົກ ອີຊັນ ໂຄສົກພັກປະຊາຊົນກຳປູເຈຍກ່າວໃນວັນທີ 14 ຕຸລານີ້ວ່າ, ວັນທີ 12 ຕຸລານີ້, ທ່ານຮຸນແຊນ ນາຍົກລັດຖະມົນຕີກຳປູເຈຍໄດ້ຕອບສະນອງຕາມຄວາມຮຽກຮ້ອງຂອງທ່ານດັກ ອີ ເອຣິກເຊນແລະທ່ານໄວເຊນດ ບາຍສ໌ ສະມາຊິກສະພາສູງອາເມຣິກາດ້ວຍຈົດໝາຍ, ໂດຍເຫັນດີຟື້ນຟູການຮ່ວມມືກັບອາເມຣິກາກ່ຽວກັບການຄົ້ນຫາອັດຖິຂອງທະຫານອາເມຣິກາຢູ່ກຳປູເຈຍ.
ທ່ານຮຸນແຊນກ່າວໃນຈົດໝາຍດັ່ງກ່າວວ່າ, ລັດຖະບານກຳປູເຈຍເຫັນດີຟື້ນຟູການຮ່ວມມືກັບອາເມຣິກາກ່ຽວກັບການຄົ້ນຫາອັດຖິຂອງທະຫານອາເມຣິກາຢູ່ກຳປູເຈຍ, ເຖິງວ່າອາເມຣິກາຍັງບໍ່ຍົກເລີກການຂວ້ຳບາດຕໍ່ກຳປູເຈຍທີ່ຫ້າມບໍ່ໃຫ້ເຈົ້າໜ້າທີ່ການທູດຂອງລັດຖະບານກຳປູເຈຍແລະຄອບຄົວຂອງເຂົາເຈົ້າເດີນທາງເຂົ້າດິນແດນອາເມຣິກາກໍຕາມ.
ທ່ານຮຸນແຊນກ່າວຕື່ມວ່າ, ກຳປູເຈຍຍິນດີເພີ່ມທະວີແລະລົງເລິກການຮ່ວມມືກັບອາເມຣິກາດ້ານການພົວພັນລະຫວ່າງສອງປະເທດບົນພື້ນຖານເຄົາລົບນັບຖືຜົນປະໂຫຍດຮ່ວມກັນ.
ທ່ານຊົກ ອີຊັນ ກ່າວວ່າ, ລັດຖະບານກຳປູເຈຍຕົກລົງຟື້ນຟູການຮ່ວມມືກັບອາເມຣິກາໃນໂຄງການດັ່ງກ່າວຍ້ອນພິຈາລະນາເຖິງມະນຸດສະທຳແລະສິດທິມະນຸດ, ໂດຍສະເພາະແມ່ນຄວາມເຫັນໃຈຕໍ່ຄອບຄົວຂອງຜູ້ເສຍຊີວິດ.
ຄຳເຫັນ
0