ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ບົດລາຍງານການເງິນປະຈຳເດືອນທີ່ກະຊວງການເງິນອາເມຣິກາເປີດເຜີຍໃນວັນທີ 15 ຕຸລານີ້ໄດ້ສະແດງໃຫ້ເຫັນວ່າ: ການຂາດດຸນງົບປະມານຂອງລັດຖະບານສະຫະລັດໃນສົກການເງິນ 2018 ນີ້ໄດ້ເພີ່ມຂຶ້ນເປັນ ປະມານ 779 ຕື້ໂດລາ ເຊິ່ງເປັນລະດັບສູງສຸດນັບແຕ່ປີ 2012 ເປັນຕົ້ນມາ.
ບົດລາຍງານລະບຸວ່າ: ໃນສົກການເງິນ 2018 ຄື ແຕ່ວັນທີ 1 ຕຸລາປີ 2017 ຮອດວັນທີ 30 ກັນຍາປີນີ້, ການຂາດດຸນງົບປະມານຂອງລັດຖະບານສະຫະລັດອາເມຣິກາໄດ້ເພີ່ມຂຶ້ນ 17% ກວມເອົາລວມຍອດຜະລິດຕະພັນພາຍໃນ ຫຼື GDP ຈາກ 3,5% ຂອງສົກການເງິນປີ 2017 ຂຶ້ນເປັນ 3,9%.
ນັກວິຊາການເຫັນໂດຍທົ່ວໄປວ່າ ທ້າຍປີຜ່ານມາ, ລັດຖະສະພາອາເມຣິກາໄດ້ຮັບຮອງເອົາມະຕິການຫຼຸດສ່ວຍສາອາກອນໃນຂອບເຂດກວ້າງ ແລະ ລັດຖະບານໂດໂນ ທຣຳ ໄດ້ເພີ່ມລາຍຈ່າຍຂອງລັດຖະບານສະຫະລັດ ເປັນສາເຫດຕົ້ນຕໍທີ່ເຮັດໃຫ້ການຂາດດຸນງົບປະມານຂອງອາເມຣິກາເພີ່ມຂຶ້ນ. ນັກວິຊາການເຫຼົ່ານີ້ໄດ້ເຕືອນວ່າ: ການຂາດດຸນງົບປະມານເພີ່ມຂຶ້ນຢ່າງຫຼວງຫຼາຍ ຈະສືບຕໍ່ເຮັດໃຫ້ໜີ້ສິນສາທາລະນະຂອງອາເມຣິກາເພີ່ມຂຶ້ນຄຽງຄູ່ກັນ ແລະ ສົ່ງຜົນເຮັດໃຫ້ພາຍນອກເປັນຫ່ວງຕໍ່ຄວາມຍືນຍົງດ້ານການເງິນແລະໜີ້ສິນສາທາລະນະຂອງອາເມຣິກາ.
ຄຳເຫັນ
0