ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ວັນທີ 16 ຕຸລານີ້, ກະຊວງໂຄສະນາເຜີຍແຜ່ມຽນມາໄດ້ແຈ້ງຂ່າວໂດຍຜ່ານສື່ສັງຄົມອອນລາຍວ່າ: ຕອນເຊົ້າມື້ດັ່ງກ່າວ, ຢູ່ນະຄອນມິນບູແຂວງມັກເວມຽນມາໄດ້ເກີດອຸບັດເຫດເຮືອບິນສູ້ຮົບ 2 ລຳຂອງກອງທັບປ້ອງກັນປະເທດຕົກ,ສົ່ງຜົນເຮັດໃຫ້ມີນັກບິນ 2 ຄົນແລະນັກຮຽນທ້ອງຖິ່ນ 1 ຄົນເສຍຊີວິດ.
ຂ່າວແຈ້ງວ່າ: ໃນເວລາປະມານ 7 ໂມງ 25 ນາທີຂອງມື້ດັ່ງກ່າວຕາມເວລາທ້ອງຖິ່ນ, ເຮືອບິນສູ້ຮົບຂອງກອງທັບປ້ອງກັນປະເທດມຽນມາລຳໜຶ່ງໄດ້ຕົກຢູ່ເມືອງຊາໂກນະຄອນມິນບູແຂວງມັກເວ,ສົ່ງຜົນເຮັດໃຫ້ມີນັກບິນ 1 ຄົນເສຍຊີວິດ. ຫຼັງຈາກນັ້ນໃນເວລາປະມານ 7 ໂມງ 45 ນາທີ, ເຮືອບິນສູ້ຮົບຂອງກອງທັບປ້ອງກັນປະເທດອີກລຳໜຶ່ງໄດ້ຕົກຢູ່ຊານເມືອງນະຄອນມິນບູໃນເວລາຝຶກຊ້ອມຍ້ອນອາກາດບໍ່ດີແລ້ວຕຳເສົາອາກາດໂທລະຄົມ,ນັກຮຽນທ້ອງຖິ່ນຜູ້ໜຶ່ງທີ່ໄດ້ຮັບບາດເຈັບຈາກຊີ້ນສ່ວນການລະເບີດຂອງເຮືອບິນເສຍຊີວິດຍ້ອນທົນອາການບາດເຈັບສາຫັດບໍ່ໄດ້.
ມາຮອດປັດຈຸບັນ,ຝ່າຍທີ່ກ່ຽວຂ້ອງຍັງບໍ່ໄດ້ໃຫ້ລາຍລະອຽດເຖິງສາເຫດທີ່ພາໃຫ້ເກີດອຸບັດເຫດດັ່ງກ່າວເທື່ອ,ກອງທັບປ້ອງກັນປະເທດມຽນມາໄດ້ສົ່ງທີມງານສືບສວນໄປສະຖານທີ່ເກີດເຫດແລ້ວ.
ຄຳເຫັນ
0