ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 16 ຕຸລານີ້, ຢູ່ຫໍສະພາປະຊາຊົນທີ່ນະຄອນຫຼວງປັກກິ່ງ, ທ່ານ ສີຈິ້ນຜິງ ປະທານປະເທດຈີນໄດ້ຕ້ອນຮັບການເຂົ້າຢ້ຽມຄຳນັບຂອງທ່ານ ສະເຕເຟັນ ເພີຣີ ປະທານສະໂມສອນກຸ່ມ 48 ຂອງອັງກິດ.
ທ່ານ ສີຈິ້ນຜິງ ໄດ້ສະແດງຄວາມຍິນດີຕ້ອນຮັບທ່ານ ເພີຣີ ທີ່ມາຢ້ຽມຢາມຈີນອີກເທື່ອໜຶ່ງ ແລະກ່າວວ່າ: ໃນຕົ້ນຊຸມປີ 1950, ປະເທດຕາເວັນຕົກໄດ້ຂວ້ຳບາດການຄ້າຂອງປະເທດໃໝ່, ພໍ່ຂອງທ່ານໄດ້ນຳພາບຸກຄົນວົງການອຸດສາຫະກຳການຄ້າຫຼາຍສິບທ່ານ ຜ່ານຜ່າອຸປະສັກຕ່າງໆນານາ ແລ້ວເດີນທາງມາຮອດຈີນ ເຊິ່ງເປັນການເດີນທາງເພື່ອສ້າງຄວາມໃກ້ຊິດກັນ ໂດຍເປັນການບັນທຶກທີ່ງົດງາມໃນປຶ້ມປະຫວັດສາດບົນຈິດໃຈມິດຕະພາບຈີນ-ອັງກິດ, ປະຊາຊົນຈີນຈະບໍ່ມີວັນຫຼົງລືມບຸກຄົນມິດຕະພາບລຸ້ນອາວຸໂສທີ່ໄດ້ປະກອບສ່ວນຄັ້ງປະຫວັດສາດເພື່ອບຸກເບີກການໄປມາຫາສູ່ກັນດ້ານການຄ້າລະຫວ່າງຈີນກັບອັງກິດໃນວັນເວລາທີ່ພົບຫຍຸ້ງຍາກລຳບາກນັ້ນຈົນເທົ່າໃດໆ. ຂ້າພະເຈົ້າຮູ້ສຶກດີໃຈຫຼາຍທີ່ໄດ້ເຫັນວ່າຈິດໃຈຂອງການເດີນທາງເພື່ອສ້າງຄວາມໃກ້ຊິດພວມໄດ້ຮັບການສືບທອດ. “ຜູ້ສ້າງຄວາມໃກ້ຊິດ” ຮຸ່ນໃໝ່ໂດຍມີສະໂມສອນກຸ່ມ 48 ເປັນຕົວແທນນັ້ນ ໄດ້ສືບຕໍ່ທຸ່ມເທຄວາມດຸໝັ່ນຫ້າວຫັນເຂົ້າໃນພາລະກິດມິດຕະພາບຈີນ-ອັງກິດ. ເຊື່ອວ່າ, ໂດຍມີທຸກຄົນສຸມທຸກຄວາມພະຍາຍາມຮ່ວມກັນ, ມິດຕະພາບຈີນ-ອັງກິດຍ່ອມຈະໄດ້ຮັບການສືບຕໍ່ໄປທຸກເຊັ່ນຄົນ ແລະໝັ້ນຄົງຂະໜົງແກ່ນ.
ທ່ານ ເພີຣີ ກ່າວວ່າ, ພວກຂ້າພະເຈົ້າຕີລາຄາສູງຕໍ່ຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ແລະ ແນວຄິດກ່ຽວກັບປະຊາຄົມຮ່ວມຊາຕາກຳຂອງມວນມະນຸດທີ່ສະເໜີໂດຍທ່ານປະທານ ສີຈິ້ນຜິງ, ຈະສືບຕໍ່ນຳໃຊ້ຈິດໃຈ “ຜູ້ສ້າງຄວາມໃກ້ຊິດ”, ສະໜັບສະໜູນໂລກາພິວັດ, ສະໜັບສະໜູນການສ້າງເສດຖະກິດໂລກແບບເປີດປະຕູ ແລະ ສະໜັບສະໜູນການຊຸກຍູ້ການຮ່ວມມືອັງກິດ-ຈີນພາຍໃຕ້ຂອບ “ໜຶ່ງແລວໜຶ່ງເສັ້ນທາງ”.
ຄຳເຫັນ
0