ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານ ໝ໋າຈ່າວຊວີ້ ຜູ້ຕາງໜ້າຖາວອນຂອງຈີນປະຈຳອົງການສະຫະປະຊາຊາດ ກ່າວໃນວັນທີ 16 ຕຸລານີ້ວ່າ: ຖ້າຢາກແກ້ໄຂບັນຫາເກີດການປະທະກັນຍ້ອນການນຳໃຊ້ຊັບພະຍາກອນແບບຊະຊາຍ, ກໍຕ້ອງເສີມຂະຫຍາຍທ່າແຮງຂອງຊັບພະຍາກອນທຳມະຊາດຢ່າງເຕັມສ່ວນ, ຊ່ວຍປະເທດທີ່ກ່ຽວຂ້ອງຫັນເປັນອຸດສາຫະກຳແລະພັດທະນາເສດຖະກິດຫຼາຍເຄົ້າ, ແລະເດີນຕາມເສັ້ນທາງການພັດທະນາແບບຍືນຍົງທີ່ສອດຄ່ອງກັບເງື່ອນໄຂຂອງປະເທດທີ່ກ່ຽວຂ້ອງ.
ທ່ານ ໝ໋າຈ່າວຊວີ້ ໄດ້ປະກອບຄຳຄິດເຫັນໃນກອງປະຊຸມເປີດກວ້າງ “ປົກປັກຮັກສາສັນຕິພາບແລະຄວາມໝັ້ນຄົງສາກົນ--ຮາກເຫງົາຂອງການປະທະກັນ ແລະ ບົດບາດຂອງຊັບພະຍາກອນທຳມະຊາດ” ຂອງສະພາຄວາມໝັ້ນຄົງອົງການສະຫະປະຊາຊາດໃນມື້ດຽວກັນວ່າ: ປະຊາຄົມໂລກຄວນເຄົາລົບສິດອະທິປະໄຕທີ່ຖາວອນເໜືອຊັບພະຍາກອນທຳມະຊາດຂອງປະເທດຕ່າງໆ. ປະເທດທີ່ເກີດການປະທະກັນຄວນເອົາໃຈໃສ່ຕໍ່ການນຳໃຊ້ແລະຄຸ້ມຄອງຊັບພະຍາກອນຕື່ມອີກ, ຫຼີກລ່ຽງການບຸກເບີກແລະນຳໃຊ້ຊັບພະຍາກອນຢ່າງຜິດກົດໝາຍ ເຊິ່ງຈະກໍ່ໃຫ້ເກີດການປະທະກັນດ້ວຍກຳລັງອາວຸດ ທັງເຮັດໃຫ້ມີຄວາມຮຸນແຮງເພີ່ມຂຶ້ນ, ຄວນຫັນທ່າແຮງດ້ານຊັບພະຍາກອນຂອງປະເທດໃດໜຶ່ງໃຫ້ເປັນທ່າແຮງດ້ານການພັດທະນາ, ເຮັດໃຫ້ປະຊາຊົນທົ່ວປະເທດຊົມໃຊ້ຜົນປະໂຫຍດຈາກການບຸກເບີກຊັບພະຍາກອນ. ໃນການບຸກເບີກແລະນຳໃຊ້ຊັບພະຍາກອນທຳມະຊາດ, ບໍລິສັດຂ້າມຊາດແລະພາກສ່ວນເອກະຊົນ ຄວນເຄົາລົບສິດຕັດສິນຂອງປະເທດທີ່ຕົນເຂົ້າໄປບຸກເບີກ, ແບກຫາບພາລະທາງສັງຄົມຂອງວິສາຫະກິດ ແລະໃຫ້ຜົນຕອບແທນແກ່ສັງຄົມທ້ອງຖິ່ນ.
ຄຳເຫັນ
0