ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວ CRI: ໃນກອງປະຊຸມຖະແຫຼງຂ່າວທີ່ຈັດຂຶ້ນຢູ່ນະຄອນຫຼວງປັກກິ່ງ ສປ ຈີນໃນວັນທີ 16 ຕຸລານີ້, ທ່ານລູ້ຄ່າງ ໂຄສົກກະຊວງການຕ່າງປະເທດຈີນກ່າວວ່າ, ຈີນຍິນດີຮ່ວມກັບໂຮນລັງ, ຊຸກຍູ້ການພົວພັນຄູ່ຮ່ວມມືຮອບດ້ານທີ່ເປີດປະຕູແລະຕິດແທດຕົວຈິງລະຫວ່າງຈີນແລະໂຮນລັງໃຫ້ຂະຫຍາຍຕົວຢ່າງແຂງແຮງແລະໝັ້ນທ່ຽງ, ເພື່ອປະກອບສ່ວນໃຫຍ່ຫຼວງກວ່າເກົ່າໃຫ້ແກ່ການຊຸກຍູ້ສັນຕິພາບ, ສະຖຽນລະພາບແລະການພັດທະນາແລະຄວາມຈະເລີນຮຸ່ງເຮືອງຂອງພາກພື້ນກໍຄືຂອງໂລກ.
ທ່ານຫຼີເຄີ້ສຽງ ນາຍົກລັດຖະມົນຕີຈີນພວມຢ້ຽມຢາມໂຮນລັງ, ຜູ້ນຳສອງປະເທດໄດ້ປຶກສາຫາລືກັນແລະຈັດກອງປະຊຸມຖະແຫຼງຂ່າວຮ່ວມກັນໃນວັນທີ 15 ຕຸລານີ້, ທັງເປັນສັກຂີພິຍານການລົງນາມເອກກະສານຮ່ວມມືຫຼາຍສະບັບ. ຜູ້ນຳທີ່ໂຮນລັງກ່າວວ່າ, ພາຍໃຕ້ສະຖານະການໃນປັດຈຸບັນ, ໂຮນລັງຍິນດີຮ່ວມກັບຈີນຊຸກຍູ້ປັບປຸງລະບົບການຄ້າຫຼາຍຝ່າຍໃຫ້ສົມບູນຂຶ້ນ, ຊຸກຍູ້ການພັດທະນາການຄ້າເສລີແລະຍຸຕິທຳ. ທ່ານລູ້ຄ່າງໄດ້ຖະແຫຼງຂ່າວດັ່ງກ່າວໃນໂອກາດຕອບຄຳຖາມຂອງນັກຂ່າວ, ທ່ານກ່າວວ່າ, ການຢ້ຽມຢາມຂອງທ່ານຫຼີເຄີ້ສຽງ ຄັ້ງນີ້ໄດ້ສົ່ງສັນຍານຢ່າງຕັ້ງໜ້າຕໍ່ໂລກໃຫ້ຮັບຮູ້ວ່າຈີນແລະໂຮນລັງ, ລວມທັງສະຫະພາບເອີລົບຈະຮັກສາລະບຽບສາກົນບົນພື້ນຖານລະບຽບການ, ແລະຈະສຸມກຳລັງເພື່ອຊຸກຍູ້ການຄ້າແລະການລົງທຶນຫັນເປັນແບບເສລີແລະສະດວກກວ່າເກົ່າ.
ຄຳເຫັນ
0