ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວ CRI: ອົງການອາຫານແລະການກະເສດ ສປຊ (FAO)ໄດ້ຈັດກິດຈະກຳຕ່າງໆກ່ຽວກັບສັບປະດາທັນຍາຫານໂລກຢູ່ທີ່ສຳນັກງານໃຫຍ່ທີ່ນະຄອນຫຼວງໂຣມຂອງອີຕາລີແຕ່ວັນທີ 15-19 ຕຸລານີ້ ເຊິ່ງໄດ້ຮຽກຮ້ອງໃຫ້ປະຊາຄົມໂລກຈົ່ງອອກແຮງເຄື່ອນໄຫວຮ່ວມກັນ ເພື່ອລົບລ້າງຄວາມຫຶດຫິວ ແລະການຂາດສານອາຫານໃນທຸກຮູບແບບ. ເຈົ້າໜ້າທີ່ອົງການດັ່ງກ່າວຍັງໄດ້ຍ້ອງຍໍຊົມເຊີຍຈີນແລະປະເທດອື່ນໆທີ່ໄດ້ສຸມທຸກຄວາມພະຍາຍາມໃນດ້ານການຫຼຸດຜ່ອນຄວາມທຸກຍາກແລະລົບລ້າງຄວາມອຶດຫິວ.
ໃນກິດຈະກຳສະຫຼອງວັນອາຫານໂລກວັນທີ 16 ຕຸລານີ້ ທ່ານໂຈເຊ ກຣກເຊຍໂນ ດາຊີນວາ ຜູ້ອຳນວຍການໃຫຍ່ອົງການ FAO ໄດ້ກ່າວຄຳເຫັນໂດຍໄດ້ຖືຈີນ, ເບຼຊິນ, ເປລູແລະປະເທດອື່ນໆເປັນຕົວຢ່າງແລະຍ້ອງຍໍຊົມເຊີຍຕໍ່ປະເທດເຫຼົ່ານີ້ທີ່ໄດ້ຫຼຸດຈຳນວນປະຊາກອນຜູ້ອຶດຫິວຢ່າງຫຼວງຫຼາຍພາຍໃນເວລາອັນສັ້ນໆ. ທ່ານກ່າວວ່າ, ຈີນໄດ້ໃຊ້ຫຼາຍໆມາດຕະການປະດິດສ້າງໃໝ່ເຊັ່ນ ການເຜີຍແຜ່ການຄ້າເອເລັກໂຕຼນິກເປັນຕົ້ນ ເພື່ອຫຼຸດຜ່ອນຄວາມທຸກຍາກ, ແລະໄດ້ເປັນແບບຢ່າງໃນດ້ານການພັດທະນາແລະປະດິດສ້າງດ້ານກະສິກຳ, ໄດ້ສະສົມບົດຮຽນແລະເຕັກນິກຢ່າງອຸດົມສົມບູນແລະເປັນບົດຮຽນທີ່ມີຄ່າຕໍ່ປະເທດອື່ນ. ພ້ອມກັນນັ້ນ, ຈີນຍັງໄດ້ໃຫ້ການຊ່ວຍເຫຼືອແກ່ປະເທດທີ່ພວມພັດທະນາອື່ນໆດ້ວຍການຮ່ວມມືສອງຝ່າຍແລະຫຼາຍຝ່າຍ.
ຄຳເຫັນ
0