ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເພື່ອຮ່ວມກັນສ້າງປະຊາຄົມຮ່ວມຊາຕາກຳໃນການຮ່ວມມືດ້ານພະລັງງານທີ່ແໜ້ນແຟ້ນກວ່າເກົ່າ, 10 ກວ່າປະເທດເຊັ່ນ: ປາກີສະຖານ, ຊູດັງ, ຕວກກີແລະປະເທດອື່ນໆ ໄດ້ຮ່ວມກັບຈີນອອກ “ຖະແຫຼງການຮ່ວມຂັ້ນລັດຖະມົນຕີເພື່ອຮ່ວມກັນສ້າງຕັ້ງການພົວພັນການຮ່ວມມືດ້ານພະລັງງານໜຶ່ງແລວໜຶ່ງເສັ້ນທາງ” ໃນວັນທີ 18 ຕຸລານີ້.
ຖະແຫຼງການຮ່ວມແມ່ນເປີດເຜີຍໃນກອງປະຊຸມລັດຖະມົນຕີພະລັງງານ “ໜຶ່ງແລວໜຶ່ງເສັ້ນທາງ” ທີ່ໄຂຂຶ້ນຢູ່ນະຄອນຊູ່ໂຈ່ວແຂວງຈ່ຽງຊູ່. ອີງຕາມຖະແຫຼງການດັ່ງກ່າວ, ບັນດາປະເທດຈະສຸມໃສ່ສ້າງຕັ້ງການພົວພັນຄູ່ຮ່ວມມືດ້ານພະລັງງານ “ໜຶ່ງແລວໜຶ່ງເສັ້ນທາງ” ເພື່ອເພີ່ມພະລັງໃໝ່ເຂົ້າໃນການພັດທະນາພະລັງງານຂອງປະເທດຕ່າງໆ.
ພະລັງງານ ແມ່ນຂົງເຂດທີ່ສຳຄັນໃນການຮ່ວມມືສ້າງ “ໜຶ່ງແລວໜຶ່ງເສັ້ນທາງ”. ນັບແຕ່ການສະເໜີຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ເປັນຕົ້ນມາ, ບັນດາປະເທດໄດ້ລົງເລິກການສ້າງຄວາມເຂົ້າໃຈກັນໃນຂົງເຂດພະລັງງານຢ່າງບໍ່ຢຸດຢັ້ງ, ການເຊື່ອມຈອດກັນດ້ານພື້ນຖານໂຄງລ່າງໃນຂະແໜງການພະລັງງານ ໄດ້ເພີ່ມທະວີຂຶ້ນຢ່າງບໍ່ຢຸດຢັ້ງ, ໄດ້ຈັດຕັ້ງປະຕິບັດຫຼາຍໂຄງການພະລັງງານທີ່ບົດບົດບາດສຳຄັນແລະເປີດນຳໃຊ້ຢ່າງສຳເລັດຜົນ ເຊິ່ງໄດ້ສ້າງຜົນປະໂຫຍດທີ່ດີໃຫ້ເສດຖະກິດແລະສັງຄົມ.
ຄຳເຫັນ
0