ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານ ເມົາເຊີ້ງຢົງ ໂຄສົກອົງການສະຖິຕິແຫ່ງຊາດຈີນກ່າວຢູ່ນະຄອນຫຼວງປັກກິ່ງໃນວັນທີ 19 ຕຸລານີ້ວ່າ: ປີໜ້າ, ເສດຖະກິດຈີນມີເງື່ອນໄຂທີ່ສາມາດຮັກສາການພັດທະນາຢ່າງໝັ້ນທ່ຽງໄດ້.
ທ່ານ ເມົາເຊີ້ງຢົງ ໄດ້ໃຫ້ຄຳເຫັນດັ່ງກ່າວໃນກອງປະຊຸມຖະແຫຼງຂ່າວທີ່ຈັດຂຶ້ນໂດຍຫ້ອງການຖະແຫຼງຂ່າວລັດຖະບານຈີນ. ທ່ານໃຫ້ຮູ້ວ່າ: ເມື່ອເບິ່ງຈາກສະພາບລວມໃນ 3 ໄຕມາດທຳອິດແລ້ວເຫັນວ່າ, ການປະກອບອາຊີບຂອງຈີນ, ອັດຕາວ່າງງານທີ່ສຳຫຼວດໃນຕົວເມືອງ ແລະ ຈຳນວນຜູ້ປະກອບອາຊີບທີ່ເພີ່ມຂຶ້ນໃໝ່ໃນຕົວເມືອງ ລ້ວນແຕ່ໄດ້ຮັກສາທ່ວງທ່າຂະຫຍາຍຕົວທີ່ໜັກແໜ້ນສົມຄວນ, ການລົງທຶນໂດຍກົງຂອງນັກທຸລະກິດຕ່າງປະເທດ, ທຶນຕ່າງປະເທດທີ່ໄຫຼເຂົ້າ ແລະອື່ນໆລ້ວນແຕ່ໄດ້ຮັກສາການເພີ່ມຂຶ້ນອ່າວໄວ, ການນຳເຂົ້າກໍໄດ້ເພີ່ມໄວຂຶ້ນໃນແຕ່ລະເດືອນ.
ທ່ານ ເມົາເຊີ້ງຢົງ ກ່າວຕື່ມວ່າ: ການທີ່ເສດຖະກິດຈີນຈະບັນລຸເປົ້າໝາຍຄືເພີ່ມຂຶ້ນປະມານ 6,5% ໃນປີນີ້ນັ້ນ ແມ່ນມີເງື່ອນໄຂ, ມີຄວາມສາມາດ ແລະ ມີຄວາມໝັ້ນໃຈທີ່ສາມາດສຳເລັດໄດ້.
ຄຳເຫັນ
0