ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານໂຣເບີໂຕ ອາເຊເວໂດ ຜູ້ອຳນວຍການໃຫຍ່ອົງການການຄ້າໂລກ ຫຼື WTO ເຕືອນໃນວັນທີ 17 ຕູລານີ້ຢູ່ນະຄອນຫຼວງລອນດອນ ປະເທດອັງກິດວ່າ: ສົງຄາມການຄ້າຮຸນແຮງຂຶ້ນຢ່າງຕໍ່ເນື່ອງຈະສ້າງຄວາມສ່ຽງຢ່າງໃຫຍ່ຫຼວງຕໍ່ເສດຖະກິດໂລກ ປັດຈຸບັນ, ການຄ້າໃນຂອບເຂດທົ່ວໂລກພວມຜະເຊີນວິກິດການຢູ່.
ທ່ານອາເຊເວໂດ ໄດ້ເຂົ້າຮ່ວມງານລ້ຽງອາຫານຄ່ຳໃນວັນດັ່ງກ່າວຢູ່ນະຄອນຫຼວງລອນດອນ ແລະກ່າວວ່າ: ນັກເສດຖະສາດຂອງອົງການການຄ້າໂລກພວມປະເມີນຄວາມອາດເປັນໄປໄດ້ທຸກຢ່າງສຳລັບຄວາມຂັດແຍ້ງທາງການຄ້າມາໂດຍຕະຫຼອດ ລວມທັງຜົນກະທົບຕ່າງໆຈາກສົງຄາມການຄ້າຮອບດ້ານທີ່ອາດຈະເກີດຂຶ້ນ. ຕາມຜົນການຄາດຄະເນ, ຖ້າເກີດສະພາບການທີ່ການຮ່ວມມືການຄ້າສາກົນພັງທະລາຍຢ່າງສິ້ນເຊິງແລ້ວ ຈັງຫວະການເຕີບໂຕຂອງການຄ້າທົ່ວໂລກຈະຫຼຸດລົງຫຼາຍສຸດ 17%, ຈັງຫວະການເຕີບໂຕຂອງລວມຍອດຜະລິດຕະພັນພາຍໃນ ຫຼື GDP ໃນຂອບເຂດທົ່ວໂລກຈະຫຼຸດລົງ 1,9% ແລະ ເຮັດໃຫ້ຫຼາຍລ້ານຄົນວ່າງງານ.
ທ່ານອາເຊເວໂດ ກ່າວຕື່ມວ່າ: ເພື່ອຜົນປະໂຫຍດຂອງໝົດທຸກຄົນ, ປະຊາຄົມໂລກມີຄວາມຮັບຜິດຊອບໃນການເຮັດໃຫ້ສະຖານະການທີ່ພວມເຄັ່ງຕຶງຢູ່ນັ້ນຜ່ອນຄາຍລົງ, ຄວນດຳເນີນການສົນທະນາຫຼາຍກວ່າເກົ່າໃນຂອບສອງຝ່າຍ ຫຼື ຂອບອົງການການຄ້າໂລກ ເພື່ອຄົ້ນຄິດແຜນການແກ້ໄຂບັນຫາໃນລະບົບການຄ້າຫຼາຍຝ່າຍ.
ຄຳເຫັນ
0