ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານລູ້ຄ່າງ ໂຄສົກກະຊວງການຕ່າງປະເທດຈີນຖະແຫຼງໃນວັນທີ 18 ຕຸລານີ້ວ່າ: ຈີນສະແດງຄວາມເສຍດາຍທີ່ອາເມຣິກາຕັດສິນໃຈຖອນອອກຈາກສະຫະພັນໄປສະນີສາກົນ ຫຼື UPU.
ໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນດັ່ງກ່າວ, ມີນັກຂ່າວສຳພາດວ່າ: ຈີນມີຄຳເຫັນແນວໃດທີ່ອາເມຣິກາຖອນອອກຈາກ UPU? ມີຄຳເຫັນວິເຄາະວ່າ ລັດຖະບານໂດໂນ ທຣຳ ປະເທດອາເມຣິກາໃຊ້ການເຄື່ອນໄຫວແບບນີ້ມີເຈຕະນາຕໍ່ຈີນອີກຄັ້ງໃໝ່.
ທ່ານລູ້ຄ່າງ ກ່າວວ່າ: ໃນໄລຍະຜ່ານມາ, ອາເມຣິກາໄດ້ຕັດສິນໃຈ ແລະ ຖອນອອກຈາກຫຼາຍອົງການຈັດຕັ້ງສາກົນມາແລ້ວ. ອາເມຣິກາພິຈາລະນາຕາມເລື່ອງຄວາມເປັນໄປຂອງຕົນເອງ, ແຕ່ບໍ່ຕ້ອງຍົກຈີນຂຶ້ນມາເພື່ອວິພາກວິຈານແລະຖືເປັນຂໍ້ອ້າງ.
ທ່ານລູ້ຄ່າງ ກ່າວຕື່ມວ່າ: ພວກຂ້າພະເຈົ້າຮູ້ສຶກເສຍດາຍທີ່ອາເມຣິກາຕັດສິນໃຈຖອນອອກຈາກສະຫະພັນໄປສະນີສາກົນ ຫຼື UPU. UPU ແມ່ນອົງການສະເພາະກິດຂອງອົງການສະຫະປະຊາຊາດ ໂດຍຮັບຜິດຊອບວຽກງານໄປສະນີສາກົນ ແລະ ໄດ້ເສີມຂະຫຍາຍບົດບາດອັນຕັ້ງໜ້າໃນການຮັດແໜ້ນການພົວພັນລະຫວ່າງປະເທດຕ່າງໆ ແລະ ຊຸກຍູ້ການຄ້າໃຫ້ມີຄວາມສະດວກຍິ່ງຂຶ້ນ. ຂະນະທີ່ຈີນລິເລີ່ມ ແລະ ສຸມໃສ່ປົກປ້ອງລັດທິຫຼາຍຝ່າຍມາໂດຍຕະຫຼອດ, ຕັ້ງໜ້າເຂົ້າຮ່ວມ ແລະ ສະໜັບສະໜູນວຽກງານຂອງ UPU. ຈີນຈະສືບຕໍ່ພະຍາຍາມຮ່ວມກັບບັນດາຝ່າຍ ເພື່ອປະກອບສ່ວນເຂົ້າໃນການພັດທະນາພາລະກິດ UPU.
ຄຳເຫັນ
0