ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນບ່າຍວັນທີ 18 ຕຸລານີ້ຕາມເວລາທ້ອງຖິ່ນ, ທ່ານ ຫຼີເຄີ້ສຽງ ນາຍົກລັດຖະມົນຕີຈີນໄດ້ພົບປະກັບທ່ານ ຫງຽວນຊວນຟຸກ ນາຍົກລັດຖະມົນຕີຫວຽດນາມໃນໄລຍະເຂົ້າຮ່ວມກອງປະຊຸມສຸດຍອດອາຊີ-ເອີຣົບຢູ່ນະຄອນຫຼວງບຣຸກແຊນປະເທດແບນຊິກ.
ທ່ານ ຫຼີເຄີ້ສຽງ ກ່າວວ່າ: ການຮ່ວມມືແບບຕ່າງຝ່າຍຕ່າງມີຜົນປະໂຫຍດລະຫວ່າງຈີນ-ຫວຽດນາມມີທ່າແຮງພິເສດ. ຈີນຍິນດີຮ່ວມກັບຫວຽດນາມຖືການຈັດຕັ້ງປະຕິບັດຄວາມຮັບຮູ້ຢ່າງເປັນເອກະພາບລະຫວ່າງການນຳຂັ້ນສູງຂອງສອງປະເທດເປັນຕົ້ນຕໍ,ຊຸກຍູ້ການຮ່ວມມືເພື່ອສ້າງຄວາມສາມາດການຜະລິດທີ່ເປັນມິດກັບສິ່ງແວດລ້ອມແລະມີຜົນດີຕໍ່ຂະບວນການຫັນເປັນອຸດສາຫະກຳຂອງຫວຽດນາມ. ການເປີດກວ້າງຂະໜາດການຄ້າ,ຊຸກຍູ້ການພັດທະນາການຄ້າສອງຝ່າຍແບບຍືນຍົງແລະມີຄວາມດຸ່ນດ່ຽງ. ຮັດແໜ້ນການແລກປ່ຽນຂອງການນຳທຸກລະດັບ,ເພີ່ມທະວີຄວາມສາມັກຄີທີ່ເປັນມູນເຊື້ອມິດຕະພາບລະຫວ່າງປະຊາຊົນຂອງສອງປະເທດ,ປັບປຸງພື້ນຖານການສະໜັບສະໜູນຂອງປະຊາຊົນໃນການພົວພັນລະຫວ່າງສອງຝ່າຍໃຫ້ດີຂຶ້ນ. ຖືສະພາບລວມເປັນສຳຄັນ,ແກ້ໄຂບັນຫາທາງທະເລຢ່າງເໝາະສົມ,ຮ່ວມກັນປົກປັກຮັກສາສັນຕິພາບແລະສະຖຽນລະພາບຂອງທະເລຈີນໃຕ້ກໍຄືຂອງພາກພື້ນ.
ທ່ານ ຫງຽວນຊວນຟຸກ ກ່າວວ່າ: ຫວຽດນາມແລະຈີນແມ່ນອ້າຍນ້ອງທີ່ດີແລະຄູ່ຮ່ວມມືຍຸດທະສາດຮອບດ້ານ,ການນຳຂັ້ນສູງສອງປະເທດໄດ້ຮັກສາການໄປມາຫາສູ່ກັນຢ່າງແໜ້ນແຟ້ນແລະມີຫຼາຍຮູບຫຼາຍສີ,ການຮ່ວມມືໃນຂົງເຂດຕ່າງໆໄດ້ຮັບການຊຸກຍູ້ຢ່າງບໍ່ຢຸດຢັ້ງ. ຫວຽດນາມຍິນດີຮ່ວມກັບຈີນຈັດຕັ້ງປະຕິບັດຄວາມຮັບຮູ້ຢ່າງເປັນເອກະພາບລະຫວ່າງຜູ້ນຳຂອງສອງພັກສອງລັດ,ຊຸກຍູ້ການຄ້າສອງຝ່າຍໃຫ້ພັດທະນາຢ່າງໝັ້ນທ່ຽງແລະການຄ້າເສລີ,ຍິນດີຕ້ອນຮັບວິສາຫະກິດຈີນໄປສ້າງເຂດນິຄົມອຸດສາຫະກຳຢູ່ຫວຽດນາມ,ເພີ່ມທະວີການຮ່ວມມືສ້າງຄວາມສາມາດການຜະລິດ,ພະລັງງານສີຂຽວ,ການຂົນສົ່ງແລະຄົມມະນາຄົມ,ກະສິກຳແລະການທ່ອງທ່ຽວລະຫວ່າງສອງຝ່າຍ,ຮ່ວມກັນປົກປັກຮັກສາສັນຕິພາບແລະສະຖຽນລະພາບທາງທະເລ,ປັບປຸງທ່າອ່ຽງແຫ່ງການພັດທະນາຢ່າງຕັ້ງໜ້າໃນການຂະຫຍາຍ ສາຍພົວພັນລະຫວ່າງສອງປະເທດໃຫ້ດີຂຶ້ນ.
ຄຳເຫັນ
0