ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ສອງມື້ຜ່ານມາ, ນະຄອນເວິ່ນໂຈ່ວ ແຂວງເຈີ້ຈ່ຽງ ໄດ້ຈັດກອງປະຊຸມສົ່ງເສີມການສ້າງເຂດ “ສອງປອດໃສ” ທີ່ນຳໜ້າຍຸກໃໝ່ ແລະ ກິດຈະກຳຕ່າງໆ ເຊັ່ນ: ເວທີປຶກສາຫາລື “ສອງປອດໃສ” ໃນຍຸກໃໝ່ຂອງເວິ່ນໂຈ່ວຈີນຄັ້ງທຳອິດ. ໂດຍຜ່ານຈາກການເປັນຕົ້ນກຳເນີດຂອງເສດຖະກິດພາກສ່ວນເອກະຊົນຂອງຈີນ ຈົນກ້າວຂຶ້ນເປັນຜູ້ນຳໜ້າ “ສອງປອດໃສ” , ນະຄອນເວິ່ນໂຈ່ວໄດ້ແບກຫາບພາລະກຳປະຫວັດສາດແຫ່ງ “ຜູ້ຄົ້ນຫາຊ່ອງທາງ” ແລະ “ຜູ້ນຳໜ້າ” ຂອງການປະຕິຮູບແລະເປີດປະຕູສູ່ພາຍນອກຂອງຈີນອີກຄັ້ງໃໝ່.
“ສອງປອດໃສ” ໄດ້ສະເໜີອອກໃນກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 19 ຂອງພັກກອມມູນິດຈີນ ທີ່ຈັດຂຶ້ນໃນປີຜ່ານມາ ໂດຍມີຈຸດປະສົງເພື່ອ “ສ້າງການພົວພັນຮູບການໃໝ່ລະຫວ່າງລັດຖະບານ-ວົງການທຸລະກິດທີ່ໃກ້ຊິດແລະໂປ່ງໃສ, ຊຸກຍູ້ພາກສ່ວນເສດຖະກິດບໍ່ແມ່ນຂອງລັດໃຫ້ພັດທະນາຢ່າງປອດໃສ ແລະ ຊຸກຍູ້ບຸກຄົນໃນວົງການພາກສ່ວນເສດຖະກິດບໍ່ແມ່ນຂອງລັດໃຫ້ເຕີບໂຕຢ່າງປອດໃສ”. ຕະຫຼອດລຍະ 40 ປີຜ່ານມາ, ວິສາຫະກິດເອກະຊົນຂອງຈີນໄດ້ນຳໃຊ້ຊັບພະຍາກອນເກືອບ 40% ແຕ່ພັດສາມາດພັດທະນາ GDP ໄດ້ຫຼາຍກວ່າ 60%, ເສຍອາກອນໄດ້ຫຼາຍກວ່າ 50%, ໄດ້ປະກອບສ່ວນໃນການປະດິດສ້າງເຕັກນິກໃໝ່ແລະພັດທະນາຜະລິດຕະພັນໃໝ່ຫຼາຍກວ່າ 70% ແລະ ສະໜອງຕຳແໜ່ງວຽກເຮັດງານທຳໄດ້ຫຼາຍກວ່າ 80%.
ທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ, ປະທານປະເທດຈີນ ໄດ້ເນັ້ນໜັກວ່າ: “ສອງປອດໃສ” ບໍ່ພຽງແຕ່ມີຄວາມສຳຄັນຕໍ່ດ້ານເສດຖະກິດເທົ່ານັ້ນ, ແຕ່ຍັງມີຄວາມສຳຄັນຕໍ່ທາງດ້ານການເມືອງອີກດ້ວຍ. ເມື່ອບໍ່ດົນມານີ້, ທ່ານສີຈິ້ນຜິງ ໄດ້ເນັ້ນໜັກອີກຄັ້ງໜຶ່ງໃນຂະນະທີ່ໄປຢ້ຽມຢາມຢູ່ແຂວງຫຼຽວໜິງວ່າ: ຄວນສ້າງສະພາບແວດລ້ອມດ້ານການປົກຄອງດ້ວຍກົດໝາຍທີ່ດີໃຫ້ແກ່ວິສາຫະກິດເອກະຊົນ, ປັບປຸງສະພາບແວດລ້ອມການດຳເນີນທຸລະກິດໃຫ້ດີຂຶ້ນຕື່ມອີກ.
ໃນມາດຕະການເຫຼົ່ານີ້, ມີເນື້ອໃນສຳຄັນ 3 ຂໍ້ ນັ້ນກໍຄື: ກ່ອນອື່ນ, ສ້າງການພົວພັນຮູບການໃໝ່ລະຫວ່າງລັດຖະບານ-ວົງການທຸລະກິດທີ່ໃກ້ຊິດ ແລະ ໂປ່ງໃສ. ສອງ, ປັບປຸງສະພາບແວດລ້ອມດ້ານການດຳເນີນທຸລະກິດໃຫ້ດີຂຶ້ນ ແລະ ສາມ, ສຸມກຳລັງເພື່ອສົ່ງເສີມຈິດໃຈນັກທຸລະກິດ.
ນ້ຳຢອດໜຶ່ງສາມາດຫັກເຫແສງສະຫວ່າງຂອງດວງຕາເວັນ. ນະຄອນເວິ່ນໂຈ່ວໃນຖານະເປັນເຂດທົດລອງ “ສອງປອດໃສ” ເຂດທຳອິດໃນທົ່ວປະເທດ, ການຄົ້ນຄວ້າແລະພຶດຕິກຳຂອງເວິ່ນໂຈ່ວໃນອະນາຄົດບໍ່ພຽງແຕ່ຈະບຸກເບີກໃຫ້ກຳເນີດ “ຮູບແບບເວິ່ນໂຈ່ວ” ໃໝ່ຂອງການບໍລິການ-ການຄຸ້ມຄອງຂອງລັດ ແລະ ການພັດທະນາເສດຖະກິດພາກສ່ວນເອກະຊົນຈີນຢ່າງມີຄຸນນະພາບສູງເທົ່ານັ້ນ, ແຕ່ຍັງຈະຊຸກຍູ້ເສດຖະກິດຈີນໃຫ້ພັດທະນາໄດ້ຢ່າງໜັກແໜ້ນແລະໝັ້ນຄົງຍາວນານອີກດ້ວຍ.
ຄຳເຫັນ
0