ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 18 ຕຸລານີ້, ຄະນະກຳມະການຕ້ານການສໍ້ລາດບັງຫຼວງຂອງມາເລເຊຍໄດ້ອອກຖະແຫຼງການວ່າ: ຄະນະກຳມະການດັ່ງກ່າວໄດ້ຈັບຕົວທ່ານ ອາເມດ ຊາຮີດ ຮາມີດີ ອະດີດຮອງນາຍົກລັດຖະມົນຕີມາເລເຊຍ,ອົງການໄອຍະການຈະກ່າວຟ້ອງຕໍ່ທ່ານໃນວັນທີ 19 ຕຸລານີ້ໃນຂໍ້ຫາຖືກສົງໄສວ່າກະທຳຜິດໃນການສໍ້ລາດບັງຫຼວງແລະຟອກເງິນ.
ຖະແຫຼງການກ່າວວ່າ: ຄະນະກຳມະການດັ່ງກ່າວໄດ້ດຳເນີນການສືບສວນຕໍ່ທ່ານ ອາເມດ ຊາຮີດ ຮາມີດີໃນການໃຊ້ອຳນາດໃນທາງທີ່ບໍ່ຖືກຕ້ອງ,ບໍ່ມີຄວາມຊື່ສັດແລະການຟອກເງິນເປັນຕົ້ນ,ການທີ່ທ່ານໄດ້ຖືກຈັບຕົວມີສ່ວນກ່ຽວຂ້ອງກັບການສືບສວນດັ່ງກ່າວ.
ກ່ອນໜ້ານີ້,ທ່ານ ອາເມດ ຊາຮີດ ຮາມີດີ ໄດ້ຖືກສອບສວນຈາກຄະນະກຳມະການຕ້ານການສໍ້ລາດບັງຫຼວງຫຼາຍເທື່ອ,ການສອບສວນຕໍ່ທ່ານຂອງຄະນະກຳມະການດັ່ງກ່າວກ່ຽວຂ້ອງກັບກອງທຶນວົງຕະກຸນທີ່ທ່ານຄຸ້ມຄອງນັ້ນອາດຈະຖືກນຳໃຊ້ຢ່າງຜິດກົດໝາຍ.
ກ່ອນທ່ານ ອາເມດ ຊາຮີດ ຮາມີດີຖືກຈັບ, ທ່ານ ນາຈິບ ຕຸນ ຣາຊັກ ອະດີດນາຍົກລັດຖະມົນຕີມາເລເຊຍໄດ້ຖືກກ່າວຟ້ອງໃນຂໍ້ຫາຫຼາຍກວ່າ 30 ຂໍ້ຫາຄື:ຖືກສົງໄສໃຊ້ອຳນາດໃນທາງທີ່ບໍ່ຖືກຕ້ອງ,ບໍ່ມີຄວາມຊື່ສັດແລະຟອກເງິນຍ້ອນຄະດີກ່ຽວກັບບໍລິສັດພັດທະນາໜຶ່ງມາເລເຊຍກໍຄືບໍລິສັດສາຂາດັ່ງກ່າວ.
ຄຳເຫັນ
0