ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວ CRI: ວັນທີ 18 ຕຸລານີ້ໃນໂອກາດໃຫ້ສຳພາດຕໍ່ນັກຂ່າວ CRI ຢູ່ນະຄອນຫຼວງປັກກິ່ງ ສປ ຈີນ, ທ່ານ ອັກ ມອສຕັນ ຮອງເລຂາທິການໃຫຍ່ອາຊຽນກ່າວວ່າ, ອາຊຽນຖືທັດສະນະຄະຕິເປີດປະຕູແລະການຄ້າເສລີຕະຫຼອດມາ, ຫວັງໃຫ້ການຮ່ວມມືລະຫວ່າງຈີນແລະອາຊຽນນັບມື້ນັບໃກ້ຊິດກວ່າເກົ່າ.
ທ່ານມອສຕັນ ແມ່ນໃຫ້ທັດສະນະດັ່ງກ່າວໃນໄລຍະເຂົ້າຮ່ວມກອງປະຊຸມສຸດຍອດຊາວໜຸ່ນຈີນ-ອາຊຽນຄັ້ງທີ 3 ທີ່ຈັດຂຶ້ນຢູ່ມະຫາວິທະຍາໄລປັກກິ່ງຂອງຈີນໃນວັນທີ 18 ຕຸລານີ້. ທ່ານກ່າວຕື່ມວ່າ, ຊາວໜຸ່ມມີອິດທິພົນຢ່າງໃຫຍ່ຫຼວງ, ເຂົາເຈົ້າມີບົດບາດອັນຫຼາຍຕໍ່ການພົວພັນມິດຕະພາບລະຫວ່າງອາຊຽນແລະຈີນ. ທ່ານໄດ້ມີຂໍ້ສະເໜີສາມຂໍ້ວ່າ: ໜຶ່ງ, ຊາວໜຸ່ມຄວນຮັກສາກຳລັງປະດິດສ້າງໃໝ່ແລະມີຄວາມສົນໃຈ, ຈຶ່ງຈະສາມາດປະດິດສ້າງໃໝ່ໄດ້ດີກວ່າເກົ່າ; ສອງ, ຊາວໜຸ່ມຄວນມີຈິດໃຈຮັກແພງເປັນຫ່ວງເປັນໃຍ, ຄວນເຂົ້າໃຈວັດທະນະທຳເຊິ່ງກັນແລະກັນຂອງປະເທດຕ່າງໆ, ສຸດທ້າຍ, ຊາວໜຸ່ມຄວນໃຊ້ເວລາຢ່າງມີປະສິດທິພາບ, ພະຍາຍາມສແຫວງກຳແໜ້ນແລະໂອກາດທີ່ດີໃນປັດຈຸບັນ. ທ່ານຫວັງຢ່າງຈິງໃຈວ່າຊາວໜຸ່ມສາມາດກາຍເປັນແມ່ແຮງແລະເສົາຄ້ຳຂອງການຮ່ວມມືລະຫວ່າງຈີນແລະອາຊຽນໃນອະນາຄົດ.
ຄຳເຫັນ
0