ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມເວທີປຶກສາຫາລືຄວາມສາມາດແຂ່ງຂັນໄຕ້ຫວັນໄດ້ປະກາດຜົນການຢັ່ງປະຊາມະຕິ 6 ເດືອນທ້າຍປີ 2018 ກ່ຽວກັບຄວາມຮູ້ສຶກເຫັນດີເຫັນພ້ອມເປັນຊົນຊາດຈີນຂອງປະຊາຊົນໄຕ້ຫວັນຢູ່ນະຄອນໄຕ້ເປີໃນວັນທີ 18 ຕຸລານີ້, ຜົນການຢັ່ງປະຊາມະຕິສະແດງໃຫ້ເຫັນວ່າມີປະຊາຊົນ 87% ຂຶ້ນໄປເຫັນວ່າຕົນເອງຄືຊົນຊາດຈີນ, ນອກນີ້ມີ 62% ເຫັນວ່າສອງຝັ່ງຊ່ອງແຄບໄຕ້ຫວັນຈະເຕົ້າໂຮມເຂົ້າກັນເປັນເອກະພາບໃນອະນາຄົດ.
ຜົນການຢັ່ງປະຊາມະຕິຄັ້ງນີ້ສະແດງໃຫ້ເຫັນວ່າ, ປະຊາຊົນໄຕ້ຫວັນ 58,3% ເຫັນວ່າຕົນເອງແມ່ນຄົນຈີນ, ທຽບໃສ່ໄລຍະດຽວກັນຂອງ 6 ເດືອນຕົ້ນປີນີ້ເພີ່ມຂຶ້ນ 6,4%. ປະຊາຊົນໄຕ້ຫວັນ 87,3% ເຫັນວ່າຕົນເອງຄືຊົນຊາດຈີນ, ທຽບໃສ່ໄລຍະດຽວກັນຂອງ 6 ເດືອນຕົ້ນປີນີ້ເພີ່ມຂຶ້ນ 0,6%, ເບິ່ງຈາກດ້ານລວມແລ້ວ, ອັດຕາທີ່ປະຊາຊົນໄຕ້ຫວັນເຫັນດີເຫັນພ້ອມເປັນຊົນຊາດຈີນໄດ້ເພີ່ມຂຶ້ນເທື່ອລະກ້າວ.
ຖ້າວ່າສອງຝັ່ງຊ່ອງແຄບໄຕ້ຫວັນບໍ່ສາມາດຮັກສາສະພາບການໃນປັດຈຸບັນໄດ້, ປະຊາຊົນໄຕ້ຫວັນ 61,5% ເຫັນວ່າຄວາມເປັນໄປໄດ້ທີ່ສອງຝັ່ງຈະເຕົ້າໂຮມເຂົ້າກັນເປັນເອກະພາບນັ້ນມີຫຼາຍສົມຄວນ, ແລະ 61,5% ເຫັນວ່າສອງຝັ່ງຊ່ອງແຄບໄຕ້ຫວັນເຕົ້າໂຮມເຂົ້າກັນເປັນເອກະພາບກັນໂດຍສັນຕິມີຜົນດີຕໍ່ອະນາຄົດຂອງໄຕ້ຫວັນ.
ຄຳເຫັນ
0