ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
(ກອງປະຊຸມສະມາຊິກສະຫະພັນໂຮງຮຽນວິຈິດສິນຈີນ-ອາຊຽນຄັ້ງປະຖົມມະເລີກຈັດຂຶ້ນຢູ່ນະຄອນໜານນິງເຂດກວາງຊີ ສປ ຈີນ)
ຕາມຂ່າວ CRI: ເພື່ອສ້າງກົນໄກຮ່ວມມືແລກປ່ຽນດ້ານການສຶກສາສາກົນລະຫວ່າງໂຮງຮຽນວິຈິດສິນຈີນ-ອາຊຽນ, ສ້າງເວທີຊົມໃຊ້ຂໍ້ມູນແລະແລກປ່ຽນດ້ານວິສາການສາກົນຂອງການສຶກສາດ້ານວິຈິດສິນ, ເພີ່ມທະວີການຮ່ວມກັນອົບຮົມຜູ້ມີຄວາມຮູ້ຄວາມສາມາດໃນດ້ານວິຈິດສິນ, ກອງປະຊຸມສະມາຊິກສະຫະພັນໂຮງຮຽນວິຈິດສິນຈີນ-ອາຊຽນຄັ້ງປະຖົມມະເລີກໄດ້ຈັດຂຶ້ນຢູ່ໂຮງຮຽນວິຈິດສິນກວາງຊີທີ່ເມືອງໜານນິງ ເຊິ່ງຜູ້ຕາງໜ້າຂອງໂຮງຮຽນວິຈິດສິນຊັ້ນສູງຂອງຈີນ 8 ແຫ່ງແລະໂຮງຮຽນວິຈິດສິນ 11 ແຫ່ງຂອງບັນດາປະເທດອາຊຽນໄດ້ເຂົ້າຮ່ວມກອງປະຊຸມທີ່ໄຂຂຶ້ນໃນວັນທີ 25 ຕຸລານີ້.
ກອງປະຊຸມຄັ້ງນີ້ໄດ້ພິຈາລະຂາແລະຜ່ານຮັບຮອງລະບຽບການຂອງສະຫະພັນໂຮງຮຽນວິຈິດສິນຈີນ-ອາຊຽນ, ໄດ້ຫາລືກ່ຽວກັບກົນໄກເຮັດວຽກ, ວາງແຜນການວຽກງານໃນໄລຍະຕໍ່ໄປ ແລະຍັງໄດ້ປຶກສາຫາລືກ່ຽວກັບການຈັດຫົວໜ່ວຍປະທານປະຈຳຢູ່ຈີນແລະອາຊຽນ, ຈັດຫົວໜ່ວຍປະທ່ານໝູນວຽນ ເຊິ່ງຈະໃຫ້ໂຮງຮຽນຝ່າຍຈີນແລະຝ່າຍອາຊຽນພັດປ່ຽນກັນຮັບໜ້າຕຳແໜ່ງດັ່ງກ່າວ.
ໃນເວລາປະກອບຄຳຄິດຄຳເຫັນ, ທ່ານເຈິ້ງຈຸ່ນລີ ອະທິການບໍດີຂອງສະຖາບັນວິຈິດສິນກວາງຊີ ຊີ້ອອກວ່າ, ການຈັດກອງປະຊຸມຄັ້ງນີ້ຂຶ້ນຕົ້ນຕໍແມ່ນສະຫຼຸບໝາກຜົນທີ່ໄດ້ຮັບນັບແຕ່ການສ້າງຕັ້ງສະຫະພັນໂຮງຮຽນວິຈິດສິນຈີນ-ອາຊຽນເປັນຕົ້ນມາ, ຫາລືກັນຕື່ມກ່ຽວກັບ ລະບຽບການຂອງສະຫະພັນ, ສ້າງກົນໄກແລກປ່ຽນແລະກົນໄກຊົມໃຊ້ ເຊິ່ງສະຫະພັນດັ່ງກ່າວຈະຊຸກຍູ້ການຮ່ວມມືຢ່າງແທ້ຈິງລະຫວ່າງໂຮງຮຽນວິຈິດສິນຊັນສູງຂອງຈີນ-ອຳນໃນດ້ານການແລກປ່ຽນນັກຮຽນນັກສຶກສາ, ການຄົ້ນຄວ້າການສຶກສາ, ການປະດິດສ້າງດ້ານສິນລະປະແລະອື່ນໆ.
(ກອງປະຊຸມສະມາຊິກສະຫະພັນໂຮງຮຽນວິຈິດສິນຈີນ-ອາຊຽນຄັ້ງປະຖົມມະເລີກຈັດຂຶ້ນຢູ່ນະຄອນໜານນິງເຂດກວາງຊີ ສປ ຈີນ)
ທ່ານນາງຈັນທະວີ ສຸກຽດພະນົງ ຫົວໜ້າສູນການພັດທະນາການສຶກສາຊັ້ນສູງຂອງອົງການຈັດຕັ້ງລັດຖະມົນຕີກະຊວງສຶກສາທິການອາຊຽນປະກອບຄຳເຫັນໂດຍຊີ້ອອກວ່າ, ສູນພັດທະນາການສຶກສາຊັ້ນສູງໄດ້ສຸມໃສ່ການຍົກສະມັດຕະພາບການສຶກສາຊັ້ນສູງຂອງອາຊຽນໃຫ້ສູງຂຶ້ນ ແລະໃຫ້ມີບົດບາດສູງຂຶ້ນ ເພື່ອສະໜັບສະໜູນການພັດທະນາຂອງພາກພື້ນແຫ່ງນີ້. ການສ້າງເປັນສະຫະພັນໂຮງຮຽນວິຈິດສິນຈີນ-ອາຊຽນ ບໍ່ພຽງແຕ່ຈະຊຸກຍູ້ການຮ່ວມມືແລະແລກປ່ຽນດ້ານສິນລະປະລະຫວ່າງສອງຝ່າຍທໍ່ນັ້ນ, ຍັງຈະຊຸກຍູ້ຄວາມຈະເລີນຮຸ່ງເຮືອງຂອງວັດທະນະທຳພາກພື້ນອີກດ້ວຍ. ສູນການພັດທະນການສຶກສາຊັ້ນສູງສຸດທິສະໜັບສະໜຸນການຮ່ວມມືໃນດ້ານການຄົ້ນຄວ້າລະຫວ່າງສາກົນ, ການຝຶກອົບຮົມຜູ້ມີຄວາມຮູ້ຄວາມສາມາດແລະການພັດທະນາຊັບພະຍາກອນມະນຸດເປັນຕົ້ນ, ເພື່ອສ້າງບຸກຄົນຜູ້ມີຄຸນທາດສູງແລະສາມາດສືບທອດສິນລະປະປະເພນີໄດ້.
(ກອງປະຊຸມສະມາຊິກສະຫະພັນໂຮງຮຽນວິຈິດສິນຈີນ-ອາຊຽນຄັ້ງປະຖົມມະເລີກຈັດຂຶ້ນຢູ່ນະຄອນໜານນິງເຂດກວາງຊີ ສປ ຈີນ)
ສະຫະພັນໂຮງຮຽນວິຈິດສິນຈີນ-ອາຊຽນສ້າງຕັ້ງຂຶ້ນຢູ່ນະຄອນໜານນິງເຂດກວາງຊີ ສປ ຈີນ ເມື່ອວັນທີ 16 ມິນາ 2017 ເປັນອົງການຈັດຕັ້ງທີ່ບໍ່ຂຶ້ນກັບລັດຖະບານທີ່ປະກອບດ້ວຍໂຮງຮຽນວິຈິດສິນຊັ້ນສູງ 19 ແຫ່ງຂອງຈີນແລະ 10 ປະເທດອາຊຽນ.
ສະຫະພັນດັ່ງກ່າວຈະສຸມໃສ່ການລົງເລິກຄວາມເຂົ້າໃຈເຊິ່ງກັນແລະກັນລະຫວ່າງສະມາຊິກຕ່າງໆ, ດຳເນີນການແລກປ່ຽນແລະໄປມາຫາສູ່ກັນເລື້ອຍໆ ແລະຊົມໃຊ້ຊັບພະຍາກອນການສຶກສານຳກັນ, ພະຍາຍາມສ້າງກິດຈະກຳສັບປະດາດົນຕີຈີນ-ອາຊຽນ, ເວທີປຶກສາຫາລືກ່ຽວກັບບົດຟ້ອນຈີນ-ອາຊຽນ, ແລະກອງປະຊຸມເວທີປຶກສາຫາລືກ່ຽວກັບວິສາວະກຳການກໍ່ສ້າງ ພ້ອມທັງກິດຈະກຳຕ່າງໆທີ່ສ້າງຂຶ້ນໂດຍປິ່ນປ້ອມປີແລກປ່ຽນດ້ານສື່ມວນຊົນຈີນ-ອາຊຽນ 2019 ທີ່ຈະມາເຖິງນີ້.
ຄຳເຫັນ
0