ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານດີມີຕຣີ ເມັດເວເດັບ ນາຍົກລັດຖະມົນຕີຣັດເຊຍ ກ່າວໃນພິທີເປີດງານວາງສະແດງສິນຄ້ານຳເຂົ້າສາກົນຈີນຄັ້ງທຳອິດໃນວັນທີ 5 ພະຈິກນີ້ວ່າ: ງານວາງສະແດງສິນຄ້ານຳເຂົ້າຄັ້ງທຳອິດຈະເປັນການທຸ່ມເທພະລັງຊຸກດັນທີ່ແຂງແຮງເຂົ້າໃນການຊຸກຍູ້ການຮ່ວມມືດ້ານການຄ້າລະຫວ່າງບັນດາປະເທດ ແລະ ສ້າງຄວາມຜາສຸກໃຫ້ແກ່ປະຊາຊົນປະເທດຕ່າງໆ.
ທ່ານເມັດເວເດັບ ໄດ້ກ່າວປາໄສວ່າ: ຈີນແມ່ນຄູ່ຮ່ວມມືທີ່ສຳຄັນທີ່ສຸດຂອງຣັດເຊຍ, ຂະນະທີ່ງານວາງສະແດງສິນຄ້ານຳເຂົ້າກໍໄດ້ສ້າງໂອກາດທີ່ດີໃຫ້ແກ່ຣັດເຊຍໃນການສະແດງທ່າແຮງການສົ່ງອອກຂອງຕົນ. ໃນບໍ່ເທົ່າໃດປີຕໍ່ໜ້ານີ້, ຣັດເຊຍມີແຜນຈະເພີ່ມມູນຄ່າການສົ່ງອອກທີ່ບໍ່ແມ່ນວັດຖຸດິບແລະພະລັງງານໃຫ້ບັນລຸເຖິງ 250 ຕື້ໂດລາສະຫະລັດ.
ທ່ານເມັດເວເດັບ ກ່າວຕື່ມວ່າ: ການພັດທະນາເສດຖະກິດໂລກຕ້ອງການຈຸດເຕີບໂຕໃໝ່, ຂະນະທີ່ຣັດເຊຍແລະຈີນຕ່າງກໍເຊື່ອໝັ້ນວ່າ, ການແຂ່ງຂັນຢ່າງເສລີ, ການຈໍລະຈອນສິນຄ້າແລະການບໍລິການຢ່າງເສລີຄວນກາຍເປັນພື້ນຖານການຄ້າທົ່ວໂລກ. ຣັດເຊຍສຸມໃສ່ການຮ່ວມມືກັບຈີນເພື່ອສ້າງສາຍພົວພັນຄູ່ຮ່ວມແລະການພົວພັນທາງການຄ້າທີ່ຖາວອນ ທີ່ມີຜົນດີຕໍ່ບັນດາປະເທດໃນໂລກ. ຕົນເຊື່ອວ່າ, ງານວາງສະແດງສິນຄ້ານຳເຂົ້າຄັ້ງທຳອິດຈະເປັນການທຸ່ມເທພະລັງຊຸກດັນທີ່ແຂງແຮງເຂົ້າໃນການຊຸກຍູ້ການຮ່ວມມືດ້ານການຄ້າລະຫວ່າງບັນດາປະເທດ ແລະ ເສີມສ້າງຄວາມຜາສຸກໃຫ້ແກ່ປະຊາຊົນປະເທດຕ່າງໆ.
ຄຳເຫັນ
0