ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຄຳປາໄສຂອງທ່ານສີຈິ້ນຜິງ ປະທານປະເທດຈີນທີ່ກ່າວໃນພິທີເປີດງານວາງສະແດງສິນຄ້ານຳເຂົ້າສາກົນຈີນຄັ້ງທຳອິດໃນວັນທີ 5 ພະຈິກນີ້ ໄດ້ມີການຕອບຮັບຢ່າງກວ້າງຂວາງຄຶກຄັກຈາກຜູ້ຮ່ວມປະຊຸມ ໂດຍທ່ານເຮນມີ ຢາຮາຍ ຜູ້ອຳນວຍການໃຫຍ່ໂທລະພາບແຫ່ງຊາດອິນໂດເນເຊຍທີ່ເຂົ້າຮ່ວມພິທີເປີດຕາມຄຳເຊີນ ໄດ້ໃຫ້ສຳພາດຕໍ່ນັກຂ່າວຫຼັງພິທີວ່າ: ໃນຄຳປາໄສຂອງທ່ານປະທານສີຈິ້ນຜິງທີ່ວ່າ “ທະເລຈະຄົງຕົວຖາວອນ, ຈີນກໍຈະຄົງຕົວຖາວອນເຊັ່ນກັນ” ເປັນການສ້າງຄວາມໝັ້ນໃຈຢ່າງເຕັມເມັດເຕັມໜ່ວຍໃຫ້ໂລກ.
ທ່ານຢາຮາຍ ກ່າວວ່າ: ທ່ານປະທານສີຈິ້ນຜິງ ໄດ້ກ່າວປາໄສໂດຍເນັ້ນໜັກຫຼາຍເທື່ອວ່າ ການປະຕິຮູບແລະເປີດປະຕູສູ່ພາຍນອກຂອງຈີນຈະບໍ່ຢຸດຊະງັກຈັກເທື່ອ ເຊິ່ງເປັນການສົ່ງສັນຍານຕໍ່ໂລກພາຍນອກຢ່າງຈະແຈ້ງວ່າ: ຈີນຈະໄດ້ຮັບໝາກຜົນອັນໃຫຍ່ຫຼວງກວ່າເກົ່າບົນພື້ນຖານການເປີດປະຕູສູ່ພາຍນອກໃນລະດັບສູງກວ່າເກົ່າ.
ທ່ານຢາຮາຍ ກ່າວຕື່ມວ່າ: ຈີນຍາດໄດ້ຜົນສຳເລັດທີ່ປະຈັກຕາຕໍ່ໂລກຕະຫຼອດໄລຍະ 40 ປີຜ່ານມາ ໄດ້ສະແດງໃຫ້ເຫັນຢ່າງເຕັມສ່ວນເຖິງຄວາມຖືກຕ້ອງຂອງນະໂຍບາຍການປະຕິຮູບແລະເປີດປະຕູສູ່ພາຍນອກ. ຂະນະທີ່ການຈັດງານວາງສະແດງສິນຄ້ານຳເຂົ້າສາກົນຄັ້ງທຳອິດ ກໍເປັນການຢັ້ງຢືນຢ່າງແຂງແຮງອີກເທື່ອໜຶ່ງວ່າຈີນສືບຕໍ່ປະຕິຮູບແລະເປີດປະຕູສູ່ພາຍນອກ ແລະເປີດປະຕູປະເທດໃຫ້ກວ້າງອອກຕື່ມອີກ.
ຄຳເຫັນ
0