ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 5 ພະຈິກນີ້, ທ່ານ ສີຈິ້ນຜິງ ປະທານປະເທດຈີນໄດ້ຕ້ອນຮັບການເຂົ້າຢ້ຽມຄຳນັບຂອງທ່ານ ເດີມິຕີຣ ເມດເວເດັຟ ນາຍົກລັດຖະມົນຕີຣັດເຊຍຢູ່ນະຄອນຊຽງໄຮ.
ທ່ານ ສີຈິ້ນຜິງ ກ່າວວ່າ: ປັດຈຸບັນ, ການພົວພັນລະຫວ່າງຈີນ-ຣັດເຊຍຕ່າງກໍຢູ່ໃນໄລຍະສຳຄັນແຫ່ງການພັດທະນາປະເທດໃຫ້ຈະເລີນຮຸ່ງເຮືອງ,ໂດຍຜະເຊີນກັບສະພາບແວດລ້ອມສາກົນທີ່ສັບສົນທີ່ສຸດໃນປັດຈຸບັນ,ການຮັກສາການພົວພັນລະຫວ່າງຈີນ-ຣັດເຊຍໃຫ້ຢູ່ໃນລະດັບສູງແລະປັບປຸງການປະສານງານທາງຍຸດທະສາດລະຫວ່າງສອງປະເທດໃຫ້ໝັ້ນຄົງມີຄວາມສຳຄັນທີ່ພົ້ນເດັ່ນກວ່າເກົ່າ. ທ່ານ ສີຈິ້ນຜິງ ກ່າວເນັ້ນວ່າ: ຈີນແລະຣັດເຊຍເດັດດ່ຽວເດີນຕາມເສັ້ນທາງພັດທະນາໂດຍສັນຕິ,ສຸມໃສ່ປົກປັກຮັກສາຄວາມເປັນທຳແລະຍຸດຕິທຳໃນສາກົນນັ້ນແມ່ນພັນທະຂອງປະເທດໃຫຍ່ທີ່ມີຄວາມມຸ້ງໝັ້ນແລະຄວາມຮັບຜິດຊອບ. ພາຍໃຕ້ສະຖານະການໃໝ່,ຈີນຍິນດີຮ່ວມກັບຣັດເຊຍຮັກສາການໄປມາຫາສູ່ກັນລະຫວ່າງການນຳຂັ້ນສູງຢ່າງໃກ້ຊິດ,ລົງເລິກການປະສານງານທາງຍຸດທະສາດລະຫວ່າງກັນຢ່າງບໍ່ຢຸດຢັ້ງ.
ທ່ານ ເດີມິຕຣີເມດເວເດັຟ ກ່າວວ່າ: ຂ້າພະເຈົ້າຮູ້ສຶກດີໃຈຫຼາຍທີ່ໄດ້ມາເຂົ້າຮ່ວມງານວາງສະແດງສິນຄ້ານຳເຂົ້າສາກົນຈີນຄັ້ງທຳອິດຢູ່ຈີນ,ໃນຕໍ່ໜ້າຣັດເຊຍຈະເຂົ້າຮ່ວມງານດັ່ງກ່າວຢ່າງຕັ້ງໜ້າທຸກປີ. ການພົວພັນລະຫວ່າງສອງປະເທດພວມຂະຫຍາຍຕົວຢູ່ໃນລະດັບສູງແລະຕໍ່ເນື່ອງທີ່ບໍ່ເຄີຍມີມາກ່ອນໃນປະຫວັດສາດ. ຣັດເຊຍຍິນດີຮ່ວມກັບຈີນສຸມຄວາມພະຍາຍາມຮ່ວມກັນ,ຈັດຕັ້ງປະຕິບັດຄວາມຮັບຮູ້ທີ່ເປັນເອກະພາບທີ່ສຳຄັນລະຫວ່າງປະມຸກລັດຂອງສອງປະເທດໃຫ້ດີ,ເປີດກວ້າງການຮ່ວມມືທີ່ຕິດແທດຕົວຈິງໃນຂົງເຂດຕ່າງໆ,ຮັດແໜ້ນການປະສານງານແລະຮ່ວມມືໃນດ້ານວຽກງານສາກົນ,ປົກປັກຮັກສາລະບຽບການສາກົນ,ປົກປັກຮັກສາສັນຕິພາບແລະສະຖຽນລະພາບຂອງໂລກ.
ຄຳເຫັນ
0