ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 7 ພະຈິກນີ້, ທ່ານນາງ ຮວ້າຊຸ່ນຢິງ ໂຄສົກກະຊວງການຕ່າງປະເທດຈີນ ໄດ້ແນະນຳສະພາບການທີ່ກ່ຽວຂ້ອງໃນການພິຈາລະນາດ້ານສິດທິມະນຸດຂອງແຕ່ລະປະເທດຮອບທີ 3 ຂອງສະພາສິດທິມະນຸດ ອົງການສະຫະປະຊາຊາດ ທີ່ດຳເນີນຕໍ່ຈີນ.
ທ່ານນາງຮວ້າຊຸ່ນຢິງ ກ່າວວ່າ: ລັດຖະບານຈີນໃຫ້ຄວາມສຳຄັນສູງຕໍ່ການພິຈາລະນາເທື່ອນີ້ ໂດຍໄດ້ແຕ່ງຕັ້ງໃຫ້ທ່ານເລີ້ຢວີ້ເສິງ ຮອງລັດຖະມົນຕີກະຊວງການຕ່າງປະເທດ ເປັນຫົວໜ້າແລະນຳພາຄະນະຜູ້ແທນເຂົ້າຮ່ວມ.
ທ່ານນາງຮວ້າຊຸ່ນຢິງ ໄດ້ແນະນຳໃຫ້ຮູ້ວ່າ: ທ່ານເລີ້ຢວີ້ເສິງ ໄດ້ປະກອບຄຳເຫັນໂດຍກ່າວວ່າ: ຈີນໄດ້ດຳເນີນການປະຕິຮູບແລະເປີດປະຕູສູ່ພາຍນອກຕະຫຼອດໄລຍະ 40 ປີມານີ້ ວຽກງານດ້ານສິດທິມະນຸດໄດ້ພັດທະນາກ້າວໜ້າຂຶ້ນເລື້ອຍໆ, ໄດ້ສ້າງລະບົບຮັບປະກັນສິດທິມະນຸດທີ່ສົມບູນ ແລະ ກາຍເປັນປະເທດທີ່ວຽກງານດ້ານສິດທິມະນຸດມີຄວາມກ້າວໜ້າຢ່າງວ່ອງໄວ, ສາມາດຫຼຸດຜ່ອນຄວາມທຸກຍາກໄດ້ຢ່າງກວ້າງຂວາງ ວ່ອງໄວທີ່ສຸດ, ໄດ້ປັບປຸງລະບົບລະບຽບການປະຊາຊົນເປັນເຈົ້າການໃຫ້ສົມບູນຂຶ້ນ, ໄດ້ຍົກລະດັບແລະເພີ່ມທະວີຄວາມຮັບປະກັນດ້ານຕຸລາການຕໍ່ສິດທິມະນຸດຢ່າງບໍ່ຢຸດຢັ້ງ, ຮັບປະກັນດ້ານກົດໝາຍຕໍ່ເສລີພາບໃນການປາກເວົ້າແລະການເຊື່ອຖືສາສະໜາຂອງພົນລະເມືອງ, ຊຸກຍູ້ແລະປົກປ້ອງສິດທິຂອງກຸ່ມຄົນພິເສດຢ່າງຮອບດ້ານ, ດຳເນີນການແລກປ່ຽນແລະຮ່ວມມືດ້ານສິດທິມະນຸດກັບສາກົນຢ່າງກວ້າງຂວາງ. ຈີນໄດ້ໃຊ້ເວລາຫຼາຍສິບປີເດີນຜ່ານເສັ້ນທາງທີ່ປະເທດພັດທະນາແລ້ວຕ້ອງເດີນຜ່ານໃຊ້ເວລາຫຼາຍຮ້ອຍປີ, ໃນແຜ່ນດິນຈີນທີ່ມີເນື້ອທີ່ກວ້າງໃຫຍ່ໄພສານເຖິງ 9.600.000 ກວ່າກິໂລຕາແມັດນັ້ນ, ບໍ່ມີຄວາມວຸ້ນວາຍ-ຄວາມຢ້ານກົວຈາກສົງຄາມ, ບໍ່ມີຄົນຊັດເຊພະເນຈອນໄຮ້ທີ່ຈັ້ງທີ່ເພິ່ງຍ້ອນສົງຄາມ, ປະຊາຊົນຈີນກວ່າ 1.300 ລ້ານຄົນໄດ້ດຳລົງຊີວິດຢ່າງມີຄວາມສະຫງົບສຸກ ແລະ ເສລີພາບ. ສາມາດເວົ້າໄດ້ວ່າ ນີ້ແມ່ນຄວາມກ້າວໜ້າດ້ານສິດທິມະນຸດທີ່ວ່ອງໄວທີ່ສຸດໃນປະຫວັດສາດ ແລະ ກໍແມ່ນການປະກອບສ່ວນອັນສຳຄັນທີ່ສຸດຂອງຈີນທີ່ມີຕໍ່ວຽກງານສິດທິມະນຸດຂອງໂລກ.
ຄຳເຫັນ
0