ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 6 ພະຈິກນີ້, ທ່ານນາງ ອອງຊານຊູຈີ້ ປະທານພັກສັນນິບາດແຫ່ງຊາດເພື່ອປະຊາທິປະໄຕມຽນມາ, ທີ່ປຶກສາແຫ່ງລັດມຽນມາໄດ້ພົບປະກັບທ່ານສົ້ງທ່າວ ຫົວໜ້າຄະນະພົວພັນຕ່າງປະເທດສູນກາງພັກກອມມູນິກຈີນຢູ່ນະຄອນຫຼວງເນປີດໍຂອງມຽນມາ.
ທ່ານສົ້ງທ່າວກ່າວວ່າ: ຈີນ ແລະມຽນມາແມ່ນປເທດບ້ານໃກ້ເຮືອນຄຽງທີ່ດີ, ຈີນເອົາໃຈໃສ່ເປັນຢ່າງສູງຕໍ່ການພັດທະນາສາຍພົວພັນຈີນ-ມຽນມາ, ຫວັງວ່າສອງຝ່າຍຈະເພີ່ມທະວີການສ້າງແລວເສດຖະກິດຈີນ-ມຽນມາພາຍໃຕ້ຂອບ “ໜຶ່ງແລວໜຶ່ງເສັ້ນທາງ”, ເປີດກວ້າງການຮ່ວມມືຕົວຈິງໃນຂົງເຂດຕ່າງໆ ເພື່ອສ້າງຄວາມຜາສຸກໃຫ້ປະຊາຊົນສອງຊາດ. ພັກກອມມູນິດຈີນຍິນດີລົງເລິກການຮ່ວມມືກັບພັກສັນນິບາດແຫ່ງຊາດເພື່ອປະຊາທິປະໄຕມຽນມາ ແລະຊຸກຍູ້ສາຍພົວພັນຈີນ-ມຽນມາໃຫ້ພັດທະນາຢ່າງເຂັ້ມແຂງ.
ທ່ານນາງ ອອງຊານຊູຈີ້ກ່າວວ່າ: ມຽນມາທະນຸຖະໜອມມິດຕະພາບລະຫວ່າງມຽນມາ-ຈີນ, ຂອບໃຈຈີນທີ່ໃຫ້ການຊ່ວຍເຫຼືອຢ່າງເອື້ອເຟື້ອເຜື່ອແຜ່ແກ່ມຽນມາ, ແລະຍິນດີເລັ່ງລັດຊຸກຍູ້ການຮ່ວມມືໃນໂຄງການໃຫຍ່ລະຫວ່າງສອງປະເທດ, ຮັດແໜ້ນການໄປມາຫາສູ່ກັນລະຫວ່າງພັກກຳອຳນາດມຽນມາ-ຈີນ ແລະຊຸກຍູ້ການພັດທະນາສາຍພົວພັນສອງຝ່າຍໃຫ້ແໜ້ນແຟ້ນຍິ່ງຂຶ້ນ.
ຄຳເຫັນ
0