ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມລັດຖະມົນຕີຄົມມະນາຄົມອາຊຽນຄັ້ງທີ 24 ໄດ້ຈັດຂຶ້ນຢູ່ນະຄອນຫຼວງບາງກອກ ປະເທດໄທໃນວັນທີ 8 ພະຈິກນີ້. ໃນກອງປະຊຸມດັ່ງກ່າວ, ທ່ານ ປຣະຢຸດ ຈັນໂອຊາ ນາຍົກລັດຖະມົນຕີໄທຮຽກຮ້ອງໃຫ້ປະເທດອາຊຽນຄວນເພີ່ມທະວີການພັດທະນາຕາໜ່າງຄົມມະນາຄົມຂົນສົ່ງພາກພື້ນໃຫ້ເຊື່ອມຈອດກັນໝົດ, ເພື່ອຊຸກຍູ້ເສດຖະກິດເຕີບໂຕ.
ກອງປະຊຸມດັ່ງກ່າວຈະດຳເນີນໄປເປັນເວລາ 2 ວັນ, ໂດຍຈະປຶກສາຫາລືການເຊື່ອມຈອດກັນດ້ານພື້ນຖານໂຄງລ່າງຄົມມະນາຄົມຂອງອາຊຽນ, ພ້ອມດ້ວຍລະບຽບກົດໝາຍທີ່ກ່ຽວຂ້ອງ, ການບໍລິການຄົມມະນາຄົມແລະອື່ນໆ, ເພື່ອຊຸກຍູ້ໃຫ້ເສດຖະກິດພາກພື້ນມີຄວາມຈະເລີນຮຸ່ນເຮືອງໃຫ້ດີກວ່າເກົ່າ.
ທ່ານປຣະຢຸດ ຈັນໂອຊາ ກ່າວໃນກອງປະຊຸມວ່າ, ອາຊຽນແມ່ນກຸ່ມເສດຖະກິດສຳຄັນໃນໂລກ, ຍອດມູນຄ່າຜົນຜະລິດຕໍ່ປີຂອງພາກພື້ນບັນລຸເຖິງ 2800 ຕື້ໂດລາສະຫະລັດ. ທ່ານກ່າວເນັ້ນວ່າ, ການເຊື່ອມຈອດກັນດ້ານຄົມມະນາຄົມແມ່ນຂອດສຳຄັນທີ່ຈະຮັກສາເສດຖະກິດພາກພື້ນອາຊຽນເຕີບໂຕແລະໝັ້ນທ່ຽງ, ປະເທດອາຊຽນຕ້ອງສຸມກຳລັງເພື່ອສ້າງຕາໜ່າງຄົມມະນາຄົມຂົນສົ່ງໃຫ້ເຊື່ອມຈອດກັນໝົດ
ຂະນະດຽວກັນນັ້ນທ່ານປຣະຢຸດ ຈັນໂອຊາ ຍັງໄດ້ເຕືອນໃຫ້ປະເທດອາຊຽນຈົ່ງຫຼຸດຜ່ອນກຳແພງການຄ້າແລະການທ່ອງທ່ຽວ, ເມື່ອເຮັດແບບນີ້ແລ້ວຈະມີຜົນດີຕໍ່ການສ້າງສະພາບແວດລ້ອມບົນຈິດໃຈມິດຕະພາບຂອງພາກພື້ນ.
ຄຳເຫັນ
0