ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 8 ພະຈິກນີ້, ທ່ານຫວາງຢີ້ ທີ່ປຶກສາແຫ່ງລັດ ທັງເປັນລັດຖະມົນຕີກະຊວງການຕ່າງປະເທດຈີນໄດ້ດຳເນີນການສົນທະນາທາງຍຸດທະສາດ ແລະການຕ່າງປະເທດຈີນ-ອົດສະຕຣາລີຄັ້ງທີ 5 ກັບທ່ານນາງ ມາຣີສ ເພນ ລັດຖະມົນຕີກະຊວງການຕ່າງປະເທດອົດສະຕຣາລີຢູ່ນະຄອນຫຼວງປັກກິ່ງ, ຫຼັງຈາກນັ້ນໄດ້ຖະແຫຼງຂ່າວຮ່ວມກັນ. ນັກຂ່າວຖາມທ່ານຫວາງຢີ້ວ່າ: ພາຍຫຼັງອາເມຣິກາຈັດການເລືອກຕັ້ງກາງສະໄໝສຳເລັດແລ້ວ, ຈີນມີຄວາມຄາດຫວັງຕໍ່ສາຍພົວພັນຈີນ-ອາເມຣິກາຫຍັງແດ່?
ທ່ານຫວາງຢີ້ກ່າວວ່າ: ການເລືອກຕັ້ງກາງສະໄໝຂອງອາເມຣິກາແມ່ນວຽກງານພາຍໃນຂອງອາເມຣິກາ, ເວລາໃດຈີນກໍບໍ່ແຊກແຊງວຽກງານພາຍໃນຂອງປະເທດອື່ນ.
ທ່ານຫວາງຢີ້ກ່າວວ່າ: ທາດແທ້ຂອງສາຍພົວພັນຈີນ-ອາເມຣິກາແມ່ນໃຫ້ຕ່າງຝ່າຍຕ່າງມີຜົນປະໂຫຍດ. ຕ່າງກໍເປັນຕະຫຼາດໃຫຍ່ທີ່ສຸດຂອງໂລກ ແລະເປັນປະເທດສະມາຊິກຖາວອນໃນສະພາຄວາມໝັ້ນຄົງອົງການ ສປຊ, ຄວາມຕ້ອງການຕໍ່ການຮ່ວມມືສອງຝ່າຍມີຫຼາຍກວ່າຄວາມເຫັນຂັດແຍ້ງກັນ, ຄວາມຈຳເປັນຂອງການຮ່ວມມືໄລຍະຍາວກໍມີຫຼາຍກວ່າຄວາມແຕກຕ່າງກັນດ້ານຄວາມເຫັນທາງການເມືອງລະຫວ່າງພັກຝ່າຍ ແລະການປ່ຽນແປງຂອງສະຖານະການພາຍໃນຂອງແຕ່ລະປະເທດ. ຈີນ ແລະອາເມຣິກາພວມກຽມສະຫຼອງວັນສ້າງຕັ້ງສາຍພົວພັນທາງການທູດຄົບຮອບ 40 ປີ. ບົດຮຽນໃນ 40 ປີຜ່ານມາໄດ້ຢັ້ງຢືນວ່າ: ການຮ່ວມມືລະຫວ່າງຈີນ-ອາເມຣິກາແມ່ນຕ່າງຝ່າຍຕ່າງມີຜົນປະໂຫຍດ, ຄວາມຂັດແຍ້ງກັນມີແຕ່ລະສ້າງຜົນເສຍຫາຍເຊິ່ງກັນ ແລະກັນ.
ຄຳເຫັນ
0