ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໜັງສືພິມ “ໂຣດົງຊິມມູນ” ສຽງຂອງສູນກາງພັກແຮງງານເກົາຫຼີສະບັບວັນທີ 12 ພະຈິກນີ້ໄດ້ພິມບົດຄວາມ ໂດຍກ່າວຕຳໜິ ສ.ເກົາຫຼີ ແລະ ອາເມຣິກາທີ່ຟື້ນຟູການ ຊ້ອມຮົບຮ່ວມຂອງກອງທະຫານເຮືອສະເທືອນນ້ຳສະເທືອນບົກ ທີ່ໄດ້ຢຸດຕິມາເປັນເວລາ 6 ເດືອນ ໂດຍກ່າວວ່າ, ການກະທຳດັ່ງກ່າວໄດ້ແນໃສ່ ສປປ ເກົາຫຼີຢ່າງເປີດແປນ ແລະ ຜິດກັບຈິດໃຈຂອງສັນຍາການທະຫານທີ່ ສປປ ເກົາຫຼີ ແລະ ສ.ເກົາຫຼີເຊັນກັນໃນເດືອນກັນຍາຜ່ານມານີ້ ແລະ ຜິດກັບເນື້ອໃນຈິດໃຈຂອງການເຈລະຈາສັນຕິພາບແຫຼມເກົາຫຼີ.
ບົດຄວາມຂຽນຕື່ມວ່າ, “ສັນຍາໃນຂົງເຂດການທະຫານຂອງ “ຖະແຫຼງການປານມຸມຈອມ”” ເປັນສັນຍາທີ່ນອນຢູ່ໃນ “ຖະແຫຼງການຮ່ວມພຽງຢາງເດືອນກັນຍາ” ທີ່ເໜືອໃຕ້ເຊັນກັນ. ການທີ່ຟື້ນຟູການຊ້ອມຮົບດັ່ງກ່າວໄດ້ຜິດກັບຄຳໝັ້ນສັນຍາໃນສັນຍາຂົງເຂດການທະຫານເໜືອໃຕ້ທີ່ມີຈຸດປະສົງລົບລ້າງຄວາມອັນຕະລາຍຂອງສົງຄາມໃນທົ່ວແຫຼມເກົາຫຼີຢ່າງແທ້ຈິງ ແລະ ລົບລ້າງການພົວພັນທີ່ເປັນປໍລະປັກກັນຢ່າງສິ້ນເຊີງ. ເພື່ອຊຸກຍູ້ໃຫ້ສະພາບການແຫຼມເກົາຫຼີຂະຫຍາຍໄປສູ່ທິດທາງແກ່ການສົນທະນາແລະສັນຕິພາບ, ບໍ່ຄວນມີການເຄື່ອນໄຫວທາງການທະຫານທີ່ແນໃສ່ຝ່າຍກົງກັນຂ້າມ, ຫາກແຕ່ມີການກະທຳທີ່ສົມເຫດສົມຜົນທີ່ມີຜົນດີເພື່ອຊ່ວຍຫຼຸດຜ່ອນສະພາບການເຄັ່ງຕຶງ.
ຄຳເຫັນ
0