ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 12 ພະຈິກນີ້, “ຊຸດຝຶກອົບຮົມລະດັບສູງດ້ານກົດໝາຍ ແລະການຄຸ້ມຄອງທາງທະເລຈີນ-ອາຊຽນ” ຄັ້ງທີ 4 ໄດ້ຈັດຂຶ້ນຢູ່ນະຄອນໄຫໂຂແຂວງໄຫຫຼຳຈີນ ເຊິ່ງມີສຳມະນາກອນຫຼາຍກວ່າ 30 ຄົນທີ່ມາຈາກອົງການກ່ຽວຂ້ອງກັບທະເລ, ມະຫາວິທະຍາໄລ ແລະອົງການຄົ້ນຄວ້າຈີນ ແລະບັນດາປະເທດອາຊຽນ ກໍຄືສ.ເກົາຫຼີ, ສະຫະພັນລັດໄມໂຄຣນີເຊຍ (FSM) ແລະເຂດໄຕ້ຫວັນຈີນເຂົ້າຮ່ວມ.
ທ່ານຮົງນົງ ຫົວໜ້າສະຖາບັນຄົ້ນຄວ້າກົມໝາຍ ແລະນະໂຍບາຍທາງທະເລຂອງສະຖາບັນຄົ້ນຄວ້າທະເລຈີນໃຕ້ຈີນກ່າວວ່າ: ໂດຍຜ່ານການຝຶກອົບຮົມ, ສຳມະນາກອນໄດ້ລົງເລິກຄວາມໄວ້ເນື້ອເຊື່ອໃຈກັນ, ຊອກຫາຊ່ອງທາງສ້າງປະຊາຄົມຄຸ້ມຄອງທະເລຮ່ວມກັນ ແລະສ້າງກົນໄກຮ່ວມມືໃນພາກພື້ນ.
ຊຸດຝຶກອົບຣົມລັກສະນະນີ້ຄັ້ງທຳອິດໄດ້ຈັດຂຶ້ນໃນເດືອນມັງກອນປີ 2016 ເຊິ່ງໄດ້ກາຍເປັນກົນໄກດ້ານການຝຶກອົບຮົມບຸກຄະລາກອນ ແລະການແລກປ່ຽນວິຊາການໃນຂົງເຂດຄຸ້ມຄອງທະເລລະຫວ່າງຈີນ ແລະບັນດາປະເທດອາຊຽນ. ການຝຶກອົບຮົມໄດ້ເສີມຂະຫຍາຍບົດບາດສຳຄັນໃນການຝຶກອົບຮົມບຸກຄະລາກອນຄຸ້ມຄອງທະເລ, ເພີ່ມທະວີຄວາມໄວ້ເນື້ອເຊື່ອໃຈກັນລະຫວ່າງບັນດາປະເທດໃນພາກພື້ນ ແລະອື່ນໆ, ຂະນະດຽວກັນຍັງປະກອບສ່ວນເຂົ້າໃນການຮ່ວມມືຕົວຈິງໃນຂົງເຂດຕ່າງໆທີ່ກ່ຽວຂ້ອງກັບທະເລລະຫວ່າງຈີນ, ບັນດາປະເທດອາຊຽນ ແລະອາຊີປາຊີຟິກ, ກໍຄືຊຸກຍູ້ການຮ່ວມມືສາກົນພາຍໃຕ້ຂອບຂໍ້ລິເລີ່ມ “ໜຶ່ງແລວໜຶ່ງເສັ້ນທາງ”
ຄຳເຫັນ
0