ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ແຫຼ່ງຂ່າວຈາກກະຊວງກະສິກຳແລະຊົນນະບົດຈີນໃຫ້ຮູ້ໃນວັນທີ 12 ພະຈິກນີ້ວ່າ: ໃນໄຕມາດທີ 3 ຂອງປີນີ້, ຜົນການຕິດຕາມກວດກາປົກກະຕິຕໍ່ຄວາມປອດໄພດ້ານຄຸນນະພາບຂອງຜະລິດຕະພັນກະສິກຳທົ່ວປະເທດໄດ້ຕາມມາດຕະຖານການກວດກາຕົວຢ່າງໄດ້ບັນລຸເຖິງ 97,6%.
ຂ່າວລາຍງານວ່າ ການຕິດຕາມກວດກາເທື່ອນີ້ໄດ້ກວມເອົາຖານການປູກ-ຜະລິດຜັກສົດ 470 ແຫ່ງ, ໂຮງຂ້າໝູ 162 ບ່ອນ, ລົດຂົນສົ່ງຜະລິດຕະພັນນ້ຳແລະອ່າງພັກສັດນ້ຳລວມ 382 ຄັນ/ອ່າງ, ຕະຫຼາດຂາຍຍົກຜະລິດຕະພັນກະສິກຳແລະຊຸບເປີມາເກັດ 1.550 ແຫ່ງ ທີ່ແຈກຢາຍສິນຄ້າຢູ່ໃນຕົວເມືອງໃຫຍ່ແລະປານກາງ 153 ຕົວເມືອງໃນ 31 ແຂວງ, ເຂດປົກຄອງຕົນເອງ, ກຳແພງນະຄອນ ແລະອີກ 5 ຕົວເມືອງຕ່າງຫາກ, ໃນນັ້ນໄດ້ນຳເອົາຕົວຢ່າງມາກວດກາ 10.042 ຕົວຢ່າງ; ໃນນີ້, ອັດຕາໄດ້ຕາມມາດຕະຖານຂອງຜະລິດຕະພັນຕ່າງໆ ຄື: ຜັກສົດ 97,3%, ໝາກໄມ້ 98,8%, ຜະລິດຕະພັນສັດລ້ຽງ 98,6% ແລະ ຜະລິດຕະພັນນ້ຳ 95,5%.
ຄຳເຫັນ
0