ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ງານວາງສະແດງຮູບພາບປະຫວັດສາດຂອງແຮງງານເຊື້ອຊາດຈີນສະໄໝສົງຄາມໂລກຄັ້ງທີ1ພາຍໃຕ້ຫົວຂໍ້ “ຈື່ຈຳປະຫວັດສາດ, ຫວງແຫນສັນຕິພາບ”ໄດ້ໄຂຂຶ້ນຢູ່ນະຄອນຫຼວງປາຣີປະເທດຝຣັ່ງໃນວັນທີ 12 ພະຈິກນີ້ ໂດຍໄດ້ຮັບການສະໜັບສະໜູນຈາກຫ້ອງການຊາວຈີນຕ່າງດ້າວລັດຖະບານຈີນແລະຫ້ອງການຊາວຈີນຕ່າງດ້າວອົງການປົກຄອງແຂວງຊ່ານຕຸ່ງຈີນເປັນເຈົ້າພາບ.ງານວາງສະແດງຄັ້ງນີ້ໄດ້ວາງສະແດງຮູບພາບປະມານ 200 ແຜ່ນທີ່ກ່ຽວກັບການເກນແຮງງານຈີນ, ການເດີນທາງໄປຝຣັ່ງ,ການຄຸ້ມຄອງການເຮັດວຽກ, ການດຳລົງຊີວິດກັບການຜັກຜ່ອນຢ່ອນອາລົມ,ການປະກອບສ່ວນແລະການເສຍສະຫຼະ, ການກັບຄືນປະເທດແລະການຢູ່ຕໍ່ໃນຝຣັ່ງຫຼັງສົງຄາມ, ການໄຫວ້ບູຊາຂອງຄົນຮຸ່ນຫຼັງແລະອື່ນໆ, ໃນນີ້ມີຮູບຫຼາຍແຜ່ນໄດ້ນຳມາວາງສະແດງຕໍ່ຊາວໂລກເປັນເທື່ອທຳອິດ.
ຢູ່ບ່ອນຈັດງານວາງສະແດງຍັງໄດ້ຈັດກອງປະຊຸມສົນທະນາລະຫວ່າງຜູ້ຄົ້ນຄວ້າປະຫວັດສາດແຮງງານຈີນໃນສົງຄາມໂລກຄັ້ງທີ 1ກັບຄົນຮຸ່ນຫຼັງຂອງແຮງງານ.
ກ່ອນໜ້ານີ້, ງານວາງສະແດງ ຮູບພາບປະຫວັດສາດແຮງງານເຊື້ອຊາດຈີນສະໄໝສົງຄາມໂລກຄັ້ງທີ1ໄດ້ວາງສະແດງຢູ່ອັງກິດແລະແບັນຊິກແລ້ວ, ສຳລັບປາຣີປະເທດຝຣັ່ງເປັນປະເທດສຸດທ້າຍທີ່ຈັດງານວາງສະແດງດັ່ງກ່າວ.
ຄຳເຫັນ
0