ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານລິວໄອ້ຮວາ, ໂຄສົກອົງການສະຖິຕິແຫ່ງຊາດຈີນເປີດເຜີຍໃນວັນທີ 14 ພະຈິກນີ້ວ່າ, ເບິ່ງຈາກຕົວເລກເໜັງຕີງຂອງເສດຖະກິດແຫ່ງຊາດຈີນໃນເດືອນຕຸລາ, ຕົວເລກຄາດໝາຍຕົ້ນຕໍລ້ວນແຕ່ຢູ່ໃນລະດັບສົມເຫດສົມຜົນ, ສະພາບການໂດຍລວມຂອງເສດຖະກິດເໜັງຕີງຢ່າງໝັ້ນທ່ຽງບໍ່ມີການປ່ຽນແປງ, ມີເງື່ອນໄຂພຽງພໍທີ່ຈະສືບຕໍ່ຮັກສາການພັດທະນາຢ່າງໝັ້ນທ່ຽງ.
ຕາມຂ່າວແຈ້ງວ່າ, ຜົນຜະລິດອຸດສາຫະກຳຂອງຈີນໃນເດືອນຕຸລາທຽບໃສ່ໄລຍະດຽວກັນຂອງປີຜ່ານມາໄດ້ເພີ່ມຂຶ້ນ 5,9%, ດັດຊະນີຂະແໜງການບໍລິການທຽບໃສ່ໄລຍະດຽວກັນຂອງປີຜ່ານມາເພີ່ມຂຶ້ນ 7,2%, ອັດຕາເພີ່ມຂຶ້ນແຕ່ເດືອນ 1 ຫາເດືອນ 10 ຂອງຂະແໜງການອຸດສາຫະກຳແລະຂະແໜງການບໍລິການເທົ່າກັບອັດຕາເພີ່ມຂຶ້ນແຕ່ເດືອນ 1 ຫາເດືອນ 9 ຂອງປີຜ່ານມາ. ມູນຄ່າການລົງທຶນແຕ່ເດືອນ 1 ຫາເດືອນ 10 ທຽບໃສ່ໄລຍະດຽວກັນປີຜ່ານມາເພີ່ມຂຶ້ນ 5,7%. ເບິ່ງຈາກດ້ານລວມແລ້ວ, ດັດຊະນີດ້ານການຜະລິດແລະຄວາມຕ້ອງການ, ການປະກອບອາຊີບ, ລາຄາສິນຄ້າ, ລາຍຈ່າຍແລະລາຍຮັບສາກົນເປັນຕົ້ນລ້ວນແຕ່ສາມາດຮັກສາຈັງຫວະການເໜັງຕີງຢ່າງໝັ້ນທ່ຽງ.
ຄຳເຫັນ
0