ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນບ່າຍວັນທີ 14 ພະຈິກນີ້ຕາມເວລາທ້ອງຖີ່ນ, ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ ເຂົ້າຮ່ວມ ກອງປະຊຸມຜູ້ນຳຄັ້ງທີ 2 ຂອງ ສັນຍາຄູ່ຮ່ວມເສດຖະກິດຮອບດ້ານຂອງ ພາກພື້ນ (RCEP). ຜູ້ນຳ 10 ປະເທດອາຊຽນ ແລະຜູ້ນຳ ສ ເກົາຫຼີ, ຍີ່ປຸ່ນ, ອົສຕຣາລີ, ນູແວນເຊລັງ ແລະອິນເດຍ ໄດ້ເຂົ້າຮ່ວມກອງປະຊຸມ.
ໃນກອງປະຊຸມ, ທ່ານຫຼີເຄີ້ສຽງກ່າວວ່າ, ປີກາຍນີ້ ພວກເຮົາໄດ້ໄຂກອງປະຊຸມຄັ້ງທຳອິດ ກ່ຽວກັບ RCEP ຢູ່ມະນີລາ, ໃນໜຶ່ງປີມານີ້ ພາຍໃຕ້ການຊີ້ນຳນຳພາຂອງອາຊຽນ ແລະການ ຊຸກຍູ້ຂອງສິງກະໂປທີ່ເປັນປະເທດປະທານໝູນວຽນ, ທຸກຝ່າຍໄດ້ເລັ່ງລັດເຮັດວຽກເຮັດໃຫ້ ການເຈລະຈາທີ່ກ່ຽວຂ້ອງທີ່ເຄີຍບັນລຸພຽງແຕ່ 50% ໄດ້ເພີ່ມຂຶ້ນເກືອບ 80% ໃນປີນີ້, ປັດຈຸບັນນີ້ພວມຢູ່ໃນຂັ້ນຕອນສຳຄັນຂອງການເຈລະຈາແລ້ວ, ພວກເຮົາຕ້ອງພະຍາຍາມຕໍ່ໄປ, ຮັກສາ ທ່າອຽງທີ່ດີ, ສູ້ຊົນໃຫ້ສັນຍາດັ່ງກ່າວບັນລຸໄດ້ໃນປີໜ້າ, ເພື່ອໃຫ້ການຄ້າ ການລົງທຶນມີ ເສລີແລະສະດວກກວ່າເກົ່າ.
ຜູ້ນຳທີ່ເຂົ້າຮ່ວມຮ່ວມປະຊຸມໄດ້ເປັນເອກະພາບກັນເຫັນວ່າ, ທຸກຝ່າຍຄວນພະຍາຍາມຕື່ມ, ເພື່ອຊຸກຍູ້ເສດຖະກິດຫັນເປັນອັນໜຶ່ງອັນດຽວກັນ, ຊຸກຍູ້ການສ້າງລະບຽບການສາກົນແລະ ການຄ້າເສລີທີ່ຖືກາກະຕິເປັນພື້ນຖານ. ສະນັ້ນການເຈລະຈາ RCEP ມີຄວາມໝາຍສຳຄັນ ທີ່ສຸດຕໍ່ວົງການຕ່າງໆໃຫ້ມີຄວາມໝັ້ນໃຈຂຶ້ນຕື່ມ, ແລະຊຸກຍູ້ເສດຖະກິດພາກພື້ນແລະ ເສດຖະ ກິດໂລກາພິວັດໃຫ້ເຕີບໂຕ. ຜູ້ນຳທີ່ເຂົ້າຮ່ວມປະຊຸມໄດ້ເປັນເອກະພາບກັນເຫັນດີສູ້ຊົນເຮັດໃຫ້ການເຈລະຈາ RCEP ສຳເລັດຜົນໃນປີ 2019.
ຄຳເຫັນ
0