ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 14 ພະຈິກນີ້ ກ່ອນການເດີນທາງຢ້ຽມຢາມປາປົວນິວກີເນທາງລັດຖະກິດ, ທ່ານສີຈິ້ນຜິງ ປະທານປະເທດຈີນ ໄດ້ຂຽນບົດຄວາມທີ່ພາດຫົວຂໍ້ວ່າ “ອອກເດີນທາງຄັ້ງໃໝ່ເພື່ອສະແຫວງຫາສາຍພົວພັນລະຫວ່າງຈີນກັບປະເທດໝູ່ເກາະປາຊີຟິກ" ພິມລົງໃນໜັງສືພິມ “ເດີໂພສເຄີຣີເອີ” ແລະໜັງສືພິມ “ເດີເນເຊິນໂນ” ຂອງປາປົວນິວກີເນ ໂດຍມີເນື້ອໃນວ່າ: ເທື່ອນີ້ແມ່ນຄັ້ງທຳອິດທີ່ຂ້າພະເຈົ້າຢ້ຽມຢາມປາປົວນິວກີເນ ແລະ ກໍແມ່ນຄັ້ງທຳອິດທີ່ປະທານປະເທດຈີນຢ້ຽມຢາມປາປົວນິວກີເນທາງລັດຖະກິດ. ການໄປມາຫາສູ່ກັນບົນຈິດໃຈມິດຕະພາບລະຫວ່າງຈີນແລະປາປົວນິວກີເນມີປະຫວັດມາແຕ່ດົນນານແລ້ວ ແລະ ນັບແຕ່ສອງປະເທດສ້າງຕັ້ງສາຍພົວພັນທາງການທູດເມື່ອປີ 1976 ເປັນຕົ້ນມາ, ສອງຝ່າຍຕ່າງກໍຍຶດໝັ້ນເຄົາລົບເຊິ່ງກັນແລະກັນ, ສະເໝີພາບກັນ ແລະ ຕ່າງຝ່າຍຕ່າງມີຜົນປະໂຫຍດ. ໃນຊຸມປີຜ່ານມາ, ສາຍພົວພັນລະຫວ່າງສອງປະເທດໄດ້ເຂົ້າສູ່ໄລຍະໃໝ່ແຫ່ງການພັດທະນາຢ່າງວ່ອງໄວ. ປາປົວນິວກີເນແມ່ນຄູ່ຄ້າໃຫຍ່ອັນດັບໜຶ່ງຂອງຈີນໃນພາກພື້ນປະເທດໝູ່ເກາະປາຊີຟິກ ແລະ ຈີນກໍເປັນແຫຼ່ງທຶນຕ່າງປະເທດໃຫຍ່ອັນດັບໜຶ່ງແລະຝ່າຍຮັບເໝົາກໍ່ສ້າງໂຄງການໃຫຍ່ອັນດັບໜຶ່ງຂອງປາປົວນິວກີເນເຊັ່ນກັນ. ຂ້າພະເຈົ້າມີຄວາມປາຖະໜາວ່າ: ຜ່ານການຢ້ຽມຢາມເທື່ອນີ້, ຈະໄດ້ສຸມທຸກຄວາມພະຍາຍາມກັບປາປົວນິວກີເນ ເພື່ອເສີມສ້າງຄວາມໄວ້ເນື້ອເຊື່ອໃຈກັນ, ເປີດກວ້າງການຮ່ວມມືທີ່ແທ້ຈິງ ແລະ ການແລກປ່ຽນທາງວັດທະນະທຳ ເພື່ອຊຸກຍູ້ສາຍພົວພັນລະຫວ່າງສອງປະເທດໃຫ້ກ້າວຂຶ້ນສູ່ລະດັບໃໝ່.
ໃນການປະຕິບັດຕົວຈິງເພື່ອຊຸກຍູ້ສາຍພົວພັນລະຫວ່າງຈີນແລະປະເທດໝູ່ເກາະຕ່າງໆໃຫ້ພັດທະນານັ້ນ, ສອງຝ່າຍຕ່າງກໍຍຶດໝັ້ນການເຄົາລົບເຊິ່ງກັນແລະກັນ, ຍຶດໝັ້ນລົງເລິກການຮ່ວມມື ແລະ ຍຶດໝັ້ນການເຊື່ອມສາຍພົວພັນທາງຈິດໃຈຂອງປະຊາຊົນລະຫວ່າງສອງຝ່າຍ. ຂະນະທີ່ການຢ້ຽມຢາມປາປົວນິວກີເນຄັ້ງນີ້, ຂ້າພະເຈົ້າຈະເຊື້ອເຊີນຜູ້ນຳຂອງ 8 ປະເທດໝູ່ເກາະປາຊີຟິກມາພົບປະຫາລືກັນອີກຄັ້ງໃໝ່ຢູ່ປາປົວນິວກີເນ ເພື່ອອອກເດີນທາງຄັ້ງໃໝ່ສະແຫວງຫາສາຍພົວພັນລະຫວ່າງຈີນກັບບັນດາປະເທດໝູ່ເກາະປາຊີຟິກ.
ໜຶ່ງ, ຄວາມໄວ້ເນື້ອເຊື່ອໃຈທາງຍຸດທະສາດຈະຕ້ອງກ້າວຂຶ້ນສູ່ລະດັບໃໝ່; ສອງ, ເພີ່ມພະລັງຊຸກດັນໃໝ່ເຂົ້າໃນການພັດທະນາຮ່ວມກັນ ແລະ ສາມ, ຈະຕ້ອງຂຽນໂສມໜ້າໃໝ່ບົນຈິດໃຈມິດຕະພາບລະຫວ່າງປະຊາຊົນສອງຝ່າຍ. ຈີນຍິນດີສຸມທຸກຄວາມພະຍາຍາມຮ່ວມກັບບັນດາປະເທດໝູ່ເກາະປາຊີຟິກ, ຜ່າພາຍຸລົມແດງທາງທະເລ, ກ້າວໄປສູ່ອະນາຄົດທີ່ສາຍພົວພັນລະຫວ່າງສອງຝ່າຍສະຫວ່າງສະໄຫວ.
ຄຳເຫັນ
0