ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 13 ພະຈິກນີ້, ກະຊວງການຕ່າງປະເທດຈີນໄດ້ຈັດພິທີຖະແຫຼງຂ່າວກ່ຽວກັບທ່ານປະທານສີຈິ້ນຜິງຈະເຂົ້າຮ່ວມກອງປະຊຸມບໍ່ເປັນທາງການຂອງອົງການຮ່ວມມືເສດຖະກິດອາຊີປາຊີຟິກ ຫຼື ເອເປັກ, ຢ້ຽມຢາມ 3 ປະເທດອາຊີປາຊີຟິກ ຄື: ປາປົວນິວກີເນ, ບຣູໄນ, ຟິລິບປິນ ແລະ ພົບປະກັບບັນດາຜູ້ນຳປະເທດໝູ່ເກາະປາຊີຟິກທີ່ສ້າງຕັ້ງສາຍພົວພັນທາງການທູດກັບຈີນ ຢູ່ປາປົວນິວກີເນ.
ທ່ານເຈີ້ງເຈີກ່ວງ ຮອງລັດຖະມົນຕີກະຊວງການຕ່າງປະເທດຈີນ ກ່າວວ່າ: ການເຄື່ອນໄຫວຂອງທ່ານປະທານສີຈິ້ນຜິງເທື່ອນີ້ມີຄວາມໝາຍສຳຄັນຫຼາຍ ໜຶ່ງ, ຈະລົງເລິກການຮ່ວມມືບົນຈິດໃຈມິດຕະພາບລະຫວ່າງຈີນ-ປາປົວນິວກີເນ; ສອງ, ຍົກລະດັບສາຍພົວພັນລະຫວ່າງຈີນແລະປະເທດໝູ່ເກາະປາຊີຟິກໃຫ້ສູງຂຶ້ນ ແລະ ສາມ, ຊຸກຍູ້ຄວາມສາມັກຄີແລະການຮ່ວມມືລະຫວ່າງປະເທດພວມພັດທະນາ.
ຂະນະທີ່ທ່ານຂົງສວນໂຢ້ວ ຮອງລັດຖະມົນຕີກະຊວງການຕ່າງປະເທດຈີນ ກ່າວວ່າ: ການເດີນທາງຢ້ຽມຢາມປະເທດເກາະປາຊີຟິກເທື່ອນີ້, ທ່ານປະທານສີຈິ້ນຜິງ ຈະພົບປະກັບຊຸນຕັນ ຮາຈີ ຮັສຊັນນານ ໂບນເກຍ ມູອິສຊາດິນ ວາດາວລາ ປະມຸກລັດບຣູໄນ ເພື່ອແລກປ່ຽນຄວາມເຫັນຢ່າງເລິກເຊິ່ງກ່ຽວກັບສາຍພົວພັນລະຫວ່າງສອງປະເທດ ກໍຄືບັນຫາສາກົນແລະພາກພື້ນທີ່ສອງຝ່າຍໃຫ້ຄວາມສົນໃຈຮ່ວມກັນ ທັງວາງແຜນການຮ່ວມມືແບບຕ່າງຝ່າຍຕ່າງມີຜົນປະໂຫຍດໃນຂົງເຂດຕ່າງໆລະຫວ່າງສອງປະເທດຢ່າງຮອບດ້ານ; ໃນໄລຍະຢ້ຽມຢາມຟິລິບປິນ, ຜູ້ນຳສອງປະເທດຈະວາງຍຸດທະສາດໃໝ່ດ້ານການພັດທະນາສາຍພົວພັນລະຫວ່າງຈີນ-ຟິລິບປິນ, ຍົກລະດັບການຮ່ວມມືທີ່ແທ້ຈິງໃນຂົງເຂດຕ່າງໆຢ່າງຮອບດ້ານ ແລະ ແລກປ່ຽນຄວາມເຫັນກ່ຽວກັບບັນຫາສາກົນແລະພາກພື້ນທີ່ສອງຝ່າຍໃຫ້ຄວາມສົນໃຈຮ່ວມກັນ.
ທ່ານຫຼີເສີງກ່າງ ຜູ້ຊ່ວຍລັດຖະມົນຕີກະຊວງການຄ້າຈີນ ກ່າວວ່າ: ໃນກອງປະຊຸມເອເປັກຄັ້ງນີ້, ຈີນຈະສະແດງຫຼັກໝັ້ນຂອງຕົນທີ່ສະໜັບສະໜູນການສ້າງວິໄສທັດການຮ່ວມມືຫຼັງປີ 2020 ແລະ ຊຸກຍູ້ເສລີພາບແລະການສ້າງຄວາມສະດວກດ້ານການຄ້າການລົງທຶນໃນພາກພື້ນຢ່າງຕໍ່ເນື່ອງ. ນອກນີ້, ຈີນຍັງຈະຊຸກຍູ້ໃຫ້ກອງປະຊຸມສົ່ງສັນຍານທີ່ຕັ້ງໜ້າສະໜັບສະໜູນລະບົບການຄ້າຫຼາຍຝ່າຍອີກດ້ວຍ.
ຄຳເຫັນ
0