ຕອນບ່າຍວັນທີ 14 ພະຈິກນີ້ ເວລາທ້ອງຖີ່ນ, ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ພົບປະທ່ານອາເດ ແອນ ນາຍົກລັດຖະມົນຕີນູແວນເຊລັງຢູ່ທີ່ສິງກະໂປ.

ທ່ານຫຼີເຄີ້ສຽງ ກ່າວວ່າ, ການພົວພັນຈີນ－ນູແວນເຊລັງໄດ້ຂະຫຍາຍຕົວຢ່າງໜັກແໜ້ນ, ການພົວພັນແລະການຮ່ວມມືລະຫວ່າງສອງປະເທດໄດ້ຢູ່ແຖວໜ້າເປັນເວລາດົນນານໃນການພົວພັນແລະການຮ່ວມມືລະຫວ່າງຈີນກັບບັນດາປະເທດຕາເວັນຕົກຕ່າງໆ. ຈີນຍິນດີຮ່ວມກັບນູແວນເຊລັງ ຍຶດຖືຫຼັກການເຄົາລົບເຊິ່ງກັນແລະກັນ, ແລະປະຕິບັດຕໍ່ກັນຢ່າງສະເໝີພາບກັນ, ເພີ່ມທະວີຄວາມໄວ້ເນື້ອ ເຊື່ອໃຈກັນ, ລົງເລິກການຮ່ວມມື, ເພີ່ມທະວີການແລກປ່ຽນ, ສ້າງຄວາມສຸກໃຫ້ແກ່ປະຊາຊົນສອງປະເທດ, ແລະສົ່ງຜົນປະໂຫຍດໄປໃຫ້ການພັດທະນາຂອງພາກພື້ນ.