ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວ CRI: ທ່ານນາງຮ້ວາຊຸ່ນຢີງ ໂຄສົກກະຊວງການຕ່າງປະເທດຈີນກ່າວໃນວັນທີ 13 ພະຈິກນີ້ວ່າ, ຈີນຊົມເຊີຍມຽນມາແລະບັງກະລາເດັດມີຄວາມຄືບໜ້າທີ່ດີກ່ຽວກັບການແກ້ໄຂບັນຫາລັດຍະໄຂ່ຂອງມຽນມາ, ຈີນຍິນດີສືບຕໍ່ໃຫ້ການຊ່ວຍເຫຼືອທີ່ຈຳເປັນ.
ເຈົ້າໜ້າທີ່ກະຊວງສະຫວັດດີການສັງຄົມການຈັດສັນແລະຊ່ວຍເຫຼືອມຽນມາກ່າວໃນເມື່ອບໍ່ດົນມານີ້ວ່າ, ມຽນມາກຽມພ້ອມແລ້ວທີ່ຈະຮັບເອົາປະຊາຊົນອົບພະຍົບຍ້ອນສົງຄາມຈາກບັງກະລາເດັດໃນໄລຍະບໍ່ດົນມານີ້. ໃນຖະແຫຼງການຂອງມຽນມາຍັງລະບຸວ່າ, ຈີນແລະປະເທດອື່ນໆໄດ້ໃຫ້ການຊ່ວຍເຫຼືອແກ່ຂະບວນການດັ່ງກ່າວ.
ໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 13 ພະຈິກນີ້, ທ່ານນາງຮ້ວາຊຸ່ນຢີງ ໂຄສົກກະຊວງການຕ່າງປະເທດຈີນກ່າວເນັ້ນວ່າ, ມຽນມາແລະບັງກະລາເດັດລ້ວນແຕ່ແມ່ນປະເທດໃກ້ຄຽງທີ່ດີຕໍ່ກັນກັບຈີນ. ຈີນໄດ້ເອົາໃຈໃສ່ເຮັດວຽກໄກ່ເກ່ຍ, ຊຸກຍູ້ໃຫ້ສອງປະເທດແກ້ໄຂບັນຫາລັດຍະໄຂ່ຢ່າງເໝາະສົມໂດຍຜ່ານການປຶກສາຫາລື. ຫວັງໃຫ້ປະຊາຄົມໂລກຖະນຸຖະໜອມຄວາມຄືບໜ້າທີ່ດີນີ້, ສືບຕໍ່ໃຫ້ການຊ່ວຍເຫຼືອເພື່ອຊຸກຍູ້ມຽນມາແລະບັງກະລາເດັດດຳເນີນການສົນທະນາແລະແກ້ໄຂບັນຫາຢ່າງແທ້ຈິງ. ອົງການຈັດຕັ້ງສະເພາະຂອງອົງການສະຫະປະຊາຊາດຄວນເສີມຂະຫຍາຍບົດບາດທີ່ມີລັກສະນະສ້າງສັນຕໍ່ເລື່ອງນີ້.
ຄຳເຫັນ
0