ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວສານຈີນ: ວັນທີ 13 ພະຈິກນີ້, ເຈົ້າໜ້າທີ່ລັດຖະບານໄທກ່າວເນັ້ນໜັກວ່າ, ຈະຈັດການເລືອກຕັ້ງທົ່ວໄປຕາມເວລາກຳນົດໃນເດືອນກຸມພາປີໜ້າ.
ມື້ດຽວກັນ, ທ່ານວິສະນຸ ເຄືອງາມ ຮອງນາຍົກລັດຖະມົນຕີໄທໃຫ້ສຳພາດນັກຂ່າວວ່າ, ລັດຖະບານໄດ້ປຶກສາຫາລືກັບຄະນະກຳມະການການເລືອກຕັ້ງກາງຫຼາຍເທື່ອແລ້ວ ແລະ ບໍ່ມີແຜນຈະແກ່ຍາວເວລາຈັດການເລືອກຕັ້ງ. ກ່ອນໜ້ານີ້, ລັດຖະບານໄທເຄີຍປະກາດວ່າຈະຈັດການເລືອກຕັ້ງທົ່ວໄປໃນເດືອນກຸມພາປີໜ້າ. ທ່ານປຣະຢຸດ ຈັນໂອຊາ ນາຍົກລັດຖະມົນຕີໄທກ່າວວ່າ, ຄາດວ່າການເລືອກຕັ້ງທົ່ວໄປຈະຈັດຂຶ້ນໃນວັນທີ 24 ກຸມພາ 2019.
ປັດຈຸບັນ, ໄທມີ 37 ກຸ່ມການເມືອງສະໝັກເຂົ້າຮ່ວມການເລືອກຕັ້ງທົ່ວໄປ, ແຕ່ມີພຽງ 25 ພັກເທົ່ານັ້ນ ທີ່ຈົດທະບຽນການເລືອກຕັ້ງສຳເລັດ. ປະທານຄະນະກຳມະການເລືອກຕັ້ງກາງຂອງໄທກ່າວເນັ້ນວ່າ, ການຢືນຢັນຄຸນວຸດທິຂອງແຕ່ລະພັກຈະໃຫ້ສຳເລັດໃນອາທິດໜ້າ. ຜົນການສຳຫຼວດທີ່ສະຖາບັນຄຸ້ມຄອງການພັດທະນາແຫ່ງຊາດໄທ ຫຼື NDA ແລະ ອົງການຢັ່ງປະຊາມະຕິມະຫາວິທະຍາໄລສວນ ດູຊິດ ຣາຊະພັດ ເປີດເຜີຍໃນຫວ່າງມໍ່ໆນີ້ ສະແດງໃຫ້ເຫັນວ່າ, ມີຜູ້ຕອບແບບສອບຖາມ 95% ຂຶ້ນໄປກ່າວວ່າ, ຈະເຂົ້າຮ່ວມການປ່ອນບັດໃນການເລືອກຕັ້ງທົ່ວໄປຄັ້ງນີ້.
ຄຳເຫັນ
0