ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 15 ພະຈິກນີ້, ທ່ານສີຈິ້ນຜິງ ປະທານປະເທດຈີນໄດ້ເດີນທາງດ້ວຍເຮືອບິນພິເສດອອກຈາກນະຄອນຫຼວງປັກກິ່ງ, ໂດຍຕອບສະໜອງຕາມການເຊື້ອເຊີນຂອງທ່ານບອບ ດາແດ ຜູ້ສຳເລັດລາຊະການປາປົວ ນີວກີເນ, ທ່ານປີເຕີ ໂອເນວ ນາຍົກລັດຖະມົນຕີປາປົວ ນີວກີເນ, ທ່ານຮາຈີ ຮັດຊານານ ໂບເກຍ ຊຸນຕັນຂອງປະເທດບຣູໄນ ດາຣູຊາລຳ ແລະທ່ານໂຣດຣີໂກ ດູເຕີເຕ ປະທານາທິບໍດີຟິລິບປິນ, ທ່ານສີຈິ້ນຜິງ ປະທານປະເທດຈີນຈະຢ້ຽມຢາມ 3 ປະເທດດັ່ງກ່າວທາງລັດຖະກິດແຕ່ວັນທີ 15 ຫາວັນທີ 21 ພະຈິກນີ້, ແລະຈະພົບປະກັບຜູ້ນຳຂອງບັນດາປະເທດປາຊີຟິກທີ່ມີສາຍພົວພັນທາງການທູດກັບຈີນຢູ່ປະເທດປາປົວ ນີວກີເນ. ນອກນີ້, ໂດຍຕອບສະໜອງຕາມການເຊື້ອເຊີນຂອງທ່ານ ໂອເນວ ນາຍົກລັດຖະມົນຕີປາປົວ ນີວກີເນ, ທ່ານສີຈິ້ນຜິງ ປະທານປະເທດຈີນຈະເຂົ້າຮ່ວມກອງປະຊຸມບໍ່ເປັນທາງການຄັ້ງທີ 26 ຂອງຜູ້ນຳອົງການຮ່ວມມືເສດຖະກິດອາຊີ-ປາຊີຟິກ ຫຼື ເອເປັກຢູ່ປອກໂມເຣັສບີ ນະຄອນຫຼວງປາປົວ ນີວກີເນແຕ່ວັນທີ 17 ຫາວັນທີ 18 ພະຈິກນີ້.
ຄຳເຫັນ
0