ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເມື່ອບໍ່ດົນມານີ້, ຜູ້ອຳນວຍການໃຫຍ່ອົງການພະລັງງານປະລະມານູສາກົນໄດ້ຍື່ນບົດລາຍງານຫຼ້າສຸດໂດຍຢັ້ງຢືນວ່າ ອີຣານໄດ້ປະຕິບັດພັນທະສັນຍາຮອບດ້ານກ່ຽວກັບບັນຫານິວເຄຼຍອີຣານ. ວັນທີ 14 ພະຈິກນີ້, ທ່ານນາງຮວ້າຊຸ່ນຢີງ ໂຄສົກກະຊວງການຕ່າງປະເທດຈີນໄດ້ກ່າວຕໍ່ກອງປະຊຸມຖະແຫຼງຂ່າວວ່າ: ຈີນຊົມເຊີຍຄວາມພະຍາຍາມຂອງອີຣານ ແລະອົງການພະລັງງານປະລະມານູສາກົນ ແລະຫວັງວ່າຝ່າຍທີ່ກ່ຽວຂ້ອງຈະຖືສະຖານະການໂດຍລວມເປັນສຳຄັນ ແລະມີວິໄສທັດຍາວໄກ ສືບຕໍ່ຮັກສາ ແລະປະຕິບັດຕາມສັນຍາຮອບດ້ານ.
ທ່ານນາງຮວ້າຊຸ່ນຢີງກ່າວວ່າ: ຈີນໄດ້ເອົາໃຈໃສ່ຕໍ່ບົດລາຍງານຂອງຜູ້ອຳນວຍການໃຫຍ່ອົງການພະລັງງານປະລະມານູສາກົນ ເຊິ່ງເປັນເທື່ອທີ 13 ລຽນຕິດແລ້ວທີ່ຜູ້ອຳນວຍການໃຫຍ່ອົງການນີ້ໄດ້ຢັ້ງຢືນວ່າ ອີຣານໄດ້ປະຕິບັດພັນທະສັນຍານິວເຄຼຍນັບຕັ້ງແຕ່ສັນຍາຮອບດ້ານກ່ຽວກັບບັນຫານິວເຄຼຍອີຣານມີຜົນສັກສິດໃນປີ 2016 ເປັນຕົ້ນມາ. ອົງການພະລັງງານປະລະມານູສາກົນໄດ້ດຳເນີນການຕິດຕາມກວດກາແຜນການນິວເຄຼຍອີຣານຢ່າງພາວະວິໄສ ແລະຍຸຕິທຳມາໂດຍຕະຫຼອດ. ຈີນສະແດງຄວາມຍິນດີ ແລະຊົມເຊີຍຄວາມພະຍາຍາມອັນຕັ້ງໜ້າຂອງອີຣານ ແລະອົງການດັ່ງກ່າວ.
ຄຳເຫັນ
0