ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມສຸດຍອດອາຊຽນຄັ້ງທີ 33 ແລະບັນດາກອງປະຊຸມຜູ້ນຳການຮ່ວມມືອາຊີຕາເວັນອອກໄດ້ອັດລົງໃນວັນທີ 15 ພະຈິກນີ້ຢູ່ສິງກະໂປ ໂດຍການຮ່ວມມືແບບຕ່າງຝ່າຍຕ່າງມີຜົນປະໂຫຍດ ໄດ້ກາຍເປັນບັນຍາກາດສ້າງສັນຂອງກອງປະຊຸມຕ່າງໆເທື່ອນີ້.
ທ່ານລີຊຽນລົງ ນາຍົກລັດຖະມົນຕີສິງກະໂປ ປະເທດປະທານໝູນວຽນອາຊຽນ ໄດ້ກ່າວໃນພິທີປິດກອງປະຊຸມວ່າ: ໃນປີຜ່ານມາ, ອາຊຽນໄດ້ມີຄວາມຄືບໜ້າໃຫຍ່ຕາມທິດທາງທີ່ມີຄວາມສາມັກຄີກັນກວ່າເກົ່າ, ມີຄວາມອົດທົນອົດກັ້ນຫຼາຍກວ່າເກົ່າ ແລະ ມີຫົວຄິດປະດິດສ້າງຫຼາຍກວ່າເກົ່າ ສິງກະໂປຂໍສະແດງຄວາມຂອບໃຈຕໍ່ການສະໜັບສະໜູນແລະຄວາມພະຍາຍາມຂອງບັນດາປະເທດໃນອາຊຽນ ກໍຄືບັນດາຄູ່ເຈລະຈາອາຊຽນ.
ທ່ານລີຊຽນລົງ ກ່າວຕື່ມວ່າ: ບັນດາປະເທດອາຊຽນຈະສືບຕໍ່ສ້າງແລະເພີ່ມທະວີການສ້າງປະຊາຄົມອາຊຽນ, ເຕົ້າໂຮມຜູ້ມີຄວາມຮູ້ຄວາມສາມາດ ແລະ ຊັບພະຍາກອນຕ່າງໆ, ປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ ແລະ ຮັກສາການເປີດປະຕູແລະກວມລວມຂອງອາຊຽນ.
ໃນໄລຍະປະຊຸມ, ການຮ່ວມມືຫຼາຍຝ່າຍ, ການຮ່ວມມືແບບຕ່າງຝ່າຍຕ່າງມີຜົນປະໂຫຍດ ແລະ ຊ່ວຍຊູຍູ້ໜູນກັນໄດ້ກາຍເປັນບັນຍາກາດສ້າງສັນຂອງກອງປະຊຸມ, ລະຫວ່າງປະເທດອາຊຽນ ແລະ ອາຊຽນກັບຄູ່ເຈລະຈາ ໄດ້ຜ່ານການຮັບຮອງເອກະສານຮ່ວມມືຫຼາຍສະບັບ; 10 ປະເທດອາຊຽນໄດ້ລົງນາມໃນສັນຍາການຄ້າເອເລັກໂຕຣນິກອາຊຽນ, ເລີ່ມປະຕິບັດຂອບເຄືອຂ່າຍເມືອງອັດສະລິຍະອາຊຽນ ເພື່ອຊຸກຍູ້ການຮ່ວມມືໃນອາຊຽນໃຫ້ກ້າວເຂົ້າສູ່ລວງເລິກ.
ຄຳເຫັນ
0