ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ພາຍຫຼັງສະຫະພາບເອີຣົບແລະອັງກິດເຊັນສັນຍາວ່າດ້ວຍການຖອນອອກຈາກເອີຣົບຂອງອັງກິດ, ທ່ານໂດໂນ ທັສ ປະທານສະພາມົນຕີເອີຣົບປະກາດໃນວັນທີ 15 ພະຈິກນີ້ວ່າ,ສະຫະພາບເອີຣົບກຳນົດຈະຈັດກອງປະຊຸມສຸດຍອດສະໄໝວິສາມັນໃນວັນທີ 25 ພະຈິກນີ້ເພື່ອພິຈາລະນາໃຫ້ການຮັບຮອງແກ່ສັນຍາວ່າດ້ວຍການຖອນອອກຈາກສະຫະພາບເອີຣົບຂອງອັງກິດຢ່າງເປັນທາງການ.
ທ່ານທັສຢືນຢັນວ່າ ປັດຈຸບັນ, 27 ປະເທດສະມາຊິກສະຫະພາບເອີຣົບກຳລັງພິຈາລະນາສັນຍາວ່າດ້ວຍການຖອນອອກຈາກສະຫະພາບເອີຣົບ. ທ້າຍອາທິດນີ້, ເອກອັກຄະລັດຖະທູດ 27 ປະເທດປະຈຳສະຫະພາບເອີຣົບຈະປະຊຸມກັນເພື່ອພິຈາລະນາເນື້ອໃນຂອງສັນຍາດັ່ງກ່າວ.
ຂະນະດຽວກັນ, ເນື່ອງຈາກສະຫະພາບເອີຣົບແລະອັງກິດໄດ້ບັນລຸຄວາມເປັນເອກະພາບກັນແລ້ວກ່ຽວກັບເນື້ອໃນໃຈຄວາມສຳຄັນຂອງຖະແຫຼງການຮ່ວມວ່າດ້ວຍການພົວພັນສະຫະພາບເອີຣົບ-ອັງກິດໃນຕໍ່ໜ້າ, ເອກອັກຄະລັດຖະທູດ 27 ປະເທດປະຈຳສະຫະພາບເອີຣົບຈະປຶກສາຫາລືໃນກອງປະຊຸມເພື່ອມອບໝາຍໃຫ້ຄະນະກຳມາທິການສະຫະພາບເອີຣົບຕັດສິນເນື້ອໃນຂອງຖະແຫຼງການຮ່ວມ. ຖ້າຫາທຸກສິ່ງຢ່າງດຳເນີນໄປດ້ວຍດີ, ສະພາມົນຕີເອີຣົບຈະຈັດກອງປະຊຸມສຸດຍອດສະໄໝວິສາມັນໃນວັນທີ 25 ພະຈິກນີ້, ຫົວໜ້າລັດຖະບານຂອງ 27 ປະເທດສະມາຊິກສະຫະພາບເອີຣົບທີ່ເຂົ້າຮ່ວມກອງປະຊຸມຈະຄົ້ນຄວ້າພິຈາລະນາສັນຍາວ່າດ້ວຍການຖອນອອກຈາກສະຫະພາບເອີຣົບຈົນກວ່າຈະໃຫ້ການຮັບຮອງສັນຍາດັ່ງກ່າວຢ່າງເປັນທາງການ.
ຄຳເຫັນ
0