ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 15 ພະຈິກນີ້, ເວທີປຶກສາຫາລືການຮ່ວມມືດ້ານບໍ່ແຮ່ຈີນ-ອາຊຽນປີ 2018 ແລະງານໂຄສະນາໄດ້ຈັດຂຶ້ນຢູ່ນະຄອນນານນີງເຂດປົກຄອງຕົນເອງເຜົ່າຈວ້າງກວາງຊີ.
ທ່ານລີງເຢວ້ມີງ ຮອງລັດຖະມົນຕີກະຊວງຊັບພະຍາກອນທຳມະຊາດຈີນໄດ້ກ່າວປາໄສໃນມື້ດຽວກັນວ່າ: ຂະແໜງການບໍ່ແຮ່ເປັນໜຶ່ງໃນຂົງເຂດທີ່ສຳຄັນທີ່ສຸດດ້ານການຮ່ວມມືເສດຖະກິດການຄ້າ ແລະການລົງທຶນລະຫວ່າງຈີນ ແລະອາຊຽນ. ວົງການບໍ່ແຮ່ຂອງຈີນ ແລະອາຊຽນຄວນມີຄວາມໝັ້ນໃຈຢ່າງໜັກແໜ້ນ, ລົງເລິກຊຸກຍູ້ການຮ່ວມມືຕົວຈິງດ້ານຂະແໜງການບໍ່ແຮ່.
ເຈົ້າໜ້າທີ່ອົງການບໍ່ແຮ່ຂອງລາວ, ກຳປູເຈຍ, ມຽນມາ, ມົງໂກລີ ແລະປະເທດອື່ນໆໄດ້ກ່າວປາໄສໃນພິທີເປີດກອງປະຊຸມເວທີປຶກສາຫາລືເຊັ່ນດຽວກັນ.
ເວທີປຶກສາຫາລືດ້ານບໍ່ແຮ່ຄັ້ງນີ້ພາຍໃຕ້ຫົວຂໍ້ “ສຸມໃສ່ການຮ່ວມມືຕາມເສັ້ນທາງສາຍໄໝ, ພັດທະນາຂະແໜ່ງການບໍ່ແຮ່ແບບສີຂຽວ”, ປິ່ນອ້ອມນະໂຍບາຍ ແລະປະຕິບັດການພັດທະນາແບບສີຂຽວ, ການພັດທະນາວິສາຫະກິດບໍ່ແຮ່ສີຂຽວ ແລະອື່ນໆເພື່ອດຳເນີນການປຶກສາຫາລື, ຂະນະດຽວກັນກໍໄດ້ຈັດງານວາງສະແດງກ່ຽວກັບເຕັກນິກໃໝ່ຂອງຂະແໜງການບໍ່ແຮ່, ເຄື່ອງຈັກບໍ່ແຮ່ ແລະເພັດນິນຈິນດາ, ເຊິ່ງມີຜູ້ເຂົ້າຮ່ວມປະມານ 1600 ຄົນ ແລະມີນັກທຸລະກິດປະມານ 4000 ຄົນເຂົ້າຮ່ວມ. ທຽບໃສ່ເວທີປຶກສາຫາລືການຮ່ວມມືບໍ່ແຮ່ຈີນ-ອາຊຽນໃນປີຜ່ານມາ, ເວທີປຶກສາຫາລືຄັ້ງນີ້ມີຂະໜາດ ແລະລະດັບສູງກວ່າ.
ຄຳເຫັນ
0