ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 15 ພະຈິກນີ້, ທຳນຽບປະທານາທິບໍດີຟິລິບປິນໄດ້ປະກາດວ່າ: ທ່ານໂຣດຣີໂກ ດູເຕີເຕ ປະທານາທິບໍດີຟິລິບປິນໄດ້ອອກລັດຖະດຳລັດໂດຍກຳນົດໃຫ້ວັນທີ 2 ກັນຍາຂອງແຕ່ລະປີເປັນວັນລະນຶກການສິ້ນສຸດສົງຄາມ ໂລກຄັ້ງທີສອງ ເພື່ອລະນຶກເຖິງວິລະຊົນຜູ້ເສຍສະຫຼະຊີວິດເພື່ອຊາດຟິລິບປິນຈາກການຮຸກຮານຂອງກອງທັບຍີ່ປຸ່ນໃນສົງຄາມໂລກຄັ້ງທີ 2.
ຕາມລັດຖະດຳລັດສະບັບນີ້, ໃນວັນທີ 2 ກັນຍາຂອງແຕ່ລະປີ, ແຂວງອິຟູກາວທີ່ຕັ້ງຢູ່ພາກເໜືອຂອງເກາະລູຊອນເຊິ່ງເປັນເຂດທີ່ກອງທັບຍີ່ປຸ່ນຍອມຈຳນົນຢູ່ຟິລິນປິນໃນສົງຄາມໂລກຄັ້ງທີ 2 ຈະພັກລັດຖະການ 1 ມື້. ຂະນະດຽວກັນລັດຖະດຳລັດຍັງຮຽກຮ້ອງໃຫ້ອົງການປົກຄອງທ້ອງຖິ່ນແຂວງອິຟູກາວຕ້ອງຮ່ວມມືກັບຄະນະກຳມະການປະຫວັດສາດແຫ່ງຊາດຟິລິປິນ, ຫ້ອງການພາລະກິດນັກຣົບເກົ່າຟິລິບປິນ ແລະອົງການປົກຄອງທ້ອງຖິ່ນເມືອງທີ່ກ່ຽວຂ້ອງ, ຈັດກິດຈະກຳລະນຶກ ແລະເຊື້ອເຊີນເຈົ້າໜ້າທີ່ລັດຖະບານ, ປະຊາຊົນ, ຜູ້ເຊື່ອຖືສາສະໜາ, ບຸກຄົນຂອງອົງການບໍ່ຂຶ້ນກັບລັດຖະບານ, ວິສາຫະກິດ ແລະພົນລະເມືອງໃຫ້ເຂົ້າຮ່ວມໃນພິທີດັ່ງກ່າວ.
ຄຳເຫັນ
0