ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານກູເຕີເຣັສ ລູໂອໂລ ປະທານາທິບໍດີຕີມໍເລສເຕ ກ່າວໃນວັນທີ 15 ພະຈິກນີ້ວ່າ: ປະເທດຕົນໃຫ້ຄວາມສຳຄັນຢ່າງສູງຕໍ່ມິດຕະພາບແລະການຮ່ວມມືທີ່ແທ້ຈິງກັບຈີນ ແລະ ປາຖະໜາໃຫ້ສາຍພົວພັນລະຫວ່າງສອງປະເທດພັດທະນາກ້າວໜ້າຢ່າງບໍ່ຢຸດຢັ້ງ.
ໃນວັນດັ່ງກ່າວ, ທ່ານຊ່ຽວຈ້ຽນໂກ ເອກອັກຄະລັດຖະທູດຈີນປະຈຳຕີມໍເລສເຕຄົນໃໝ່ ໄດ້ຍື່ນສານຕາຕັ້ງຕໍ່ທ່ານລູໂອໂລ ຈາກນັ້ນ, ສອງຝ່າຍໄດ້ສົນທະນາກັນໃນບັນຍາກາດທີ່ດີ. ທ່ານລູໂອໂລສະແດງຄວາມຍິນດີຕ້ອນຮັບທ່ານຊ່ຽວຈ້ຽນໂກ ທີ່ມາປະຕິບັດໜ້າທີ່ຕຳແໜ່ງໃໝ່, ຕີລາຄາສູງຕໍ່ການພັດທະນາສາຍພົວພັນລະຫວ່າງສອງປະເທດນັບແຕ່ສ້າງຕັ້ງສາຍພົວພັນທາງການທູດເປັນຕົ້ນມາ ແລະ ຂອບໃຈຈີນທີ່ໄດ້ໃຫ້ການສະໜັບສະໜູນແລະການຊ່ວຍເຫຼືອອັນລ້ຳຄ່າແກ່ຕີມໍເລສເຕເພື່ອຄວາມເປັນເອກະລາດແຫ່ງຊາດແລະການພັດທະນາຂອງປະເທດຕົນ. ນອກນີ້, ທ່ານລູໂອໂລຍັງສະແດງຄວາມຊົມເຊີຍຕໍ່ໝາກຜົນອັນຍິ່ງໃຫຍ່ທີ່ຈີນຍາດມາໄດ້ໃນການປະຕິຮູບແລະເປີດປະຕູສູ່ພາຍນອກຕະຫຼອດໄລຍະ 40 ປີຜ່ານມາ.
ທ່ານຊ່ຽວຈ້ຽນໂກ ກ່າວວ່າ: ຈີນເປັນປະເທດທຳອິດທີ່ຍອມຮັບຕີມໍເລສເຕເປັນປະເທດເອກະລາດ ແລະສ້າງຕັ້ງສາຍພົວພັນທາງການທູດກັບຕີມໍເລສເຕ ແລະ ຕະຫຼອດໄລຍະ 16 ປີຜ່ານມາ, ຄວາມໄວ້ເນື້ອເຊື່ອໃຈທາງການເມືອງລະຫວ່າງສອງປະເທດໄດ້ເຂົ້າສູ່ລວງເລິກຢ່າງບໍ່ຢຸດຢັ້ງ, ການຮ່ວມມືແບບຕ່າງຝ່າຍຕ່າງມີຜົນປະໂຫຍດນັບມື້ເປີດດກວ້າງອອກ ເຊິ່ງເປັນແບບຢ່າງທີ່ປະເທດນ້ອຍປະເທດໃຫຍ່ປະຕິບັດຕໍ່ກັນຢ່າງສະເໝີພາບ, ການຮ່ວມມືບົນຈິດໃຈມິດຕະພາບແລະຕ່າງຝ່າຍຕ່າງໄດ້ຮັບຜົນປະໂຫຍດຮ່ວມກັນ.
ຄຳເຫັນ
0