ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 16 ພະຈິກນີ້, ເຈົ້າໜ້າທີ່ຕຳຫຼວດຊິມບັບເວໄດ້ເປີດເຜີຍວ່າ: ລົດບັສ 1 ຄັນໄດ້ເກີດໄຟໄໝ້ຢູ່ທາງດ່ວນຂອງພາກໃຕ້ປະເທດຕົນໃນຕອນຄ່ຳວັນທີ 15 ພະຈິກນີ້, ໄດ້ເຮັດໃຫ້ມີຜູ້ເສຍຊີວິດ 42 ຄົນ ແລະບາດເຈັບ 20 ກວ່າຄົນ.
ໂຄສົກຕຳຫຼວດໄດ້ໃຫ້ສຳພາດຕໍ່ນັກຂ່າວຜ່ານທາງໂທລະສັບວ່າ: ລົດບັສຄັນນີ້ແລ່ນອອກຈາກພາກກາງຊິມບັບເວໄປສູ່ເມືອງແມຊີນາພາກເໜືອອາຟຼິກາໃຕ້. ເມື່ອແລ່ນຮອດແຂວງມະທາເບເລລັນໃຕ້ປະເທດຊິມບັບເວໄດ້ເກີດໄຟໄໝ້ກະທັນຫັນ ເຮັດໃຫ້ມີຜູ້ເສຍຊີວິດ ແລະບາດເຈັບຢ່າງຫຼວງຫຼາຍ. ປັດຈຸບັນນີ້, ພວມສືບສວນສາເຫດຂອງເຫດການນີ້.
ນີ້ແມ່ນອຸບັດເຫດທາງຖະໜົນເທື່ອທີສອງຢູ່ຊິມບັບເວໃນເດືອນນີ້ຜ່ານມາ. ໃນຕອນຫົວຄ່ຳວັນທີ 7 ພະຈິກນີ້, ຢູ່ທາງດ່ວນເຊື່ອມຕໍ່ລະຫວ່າງນະຄອນຫຼວງຮາຣາເຣ ແລະເມືອງມູທາເຣ ພາກຕາເວັນອອກຊິມບັບເວໄດ້ເກີດອຸບັດຕິເຫດລົດບັສສອງຄັນຕຳກັນ, ເຮັດໃຫ້ມີເສຍຊີວິດ 50 ຄົນ ແລະຜູ້ບາດເຈັບ 61 ຄົນ.
ຄຳເຫັນ
0