ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ພະຈິກນີ້, ທ່ານສີຈິ້ນຜິງ ປະທານປະເທດຈີນໄດ້ພົບປະກັບທ່ານໂຈໂກ ວິໂດໂດ, ປະທານາທິບໍດີອິນໂດເນເຊຍຢູ່ນະຄອນຫຼວງພັອດ ໂມເຣັສບີຂອງປາປົວນິວກີເນ. ທ່ານສີຈິ້ນຜິງຊີ້ອອກວ່າ, ຈີນແລະອິນໂດເນເຊຍເປັນປະເທດໃຫຍ່ທີ່ພວມພັດທະນາແລະເປັນອົງກອນເສດຖະກິດທີ່ຈະເລີນໃໝ່, ມີຫຼັກໝັ້ນທີ່ຄ້າຍກັນໃນຫຼາຍຂົງເຂດ. ທ່ານກ່າວເນັ້ນວ່າ, ຈີນຍິນດີຮ່ວມກັບອິນໂດເນເຊຍຮັກສາການແລກປ່ຽນລະຫວ່າງການນຳຂັ້ນສູງ, ຊຸກຍູ້ການພົວພັນລະຫວ່າງສອງຝ່າຍໃຫ້ຂະຫຍາຍໄປໜ້າ ຈາກລະດັບຍຸດທະສາດແລະດ້ວຍສາຍຕາຍາວໄກ.
ທ່ານໂຈໂກກ່າວວ່າ, ຊົມເຊີຍງານວາງສະແດງສິນຄ້ານຳເຂົ້າສາກົນຈີນຄັ້ງທຳອິດໄດ້ຈັດຂຶ້ນຢ່າງສຳເລັດຜົນ, ຂອບໃຈນຳຈີນທີ່ໃຫ້ການຊ່ວຍເຫຼືອຕໍ່ວຽກງານກູ້ໄພຂອງອິນໂດເນເຊຍຫຼັງໄພແຜ່ນດິນໄຫວແລະຄື້ນຊຸນະມິໃນຫວ່າງບໍ່ດົນມານີ້. ອິນໂດເນເຊຍດີໃຈຫຼາຍທີ່ໄດ້ເຊັນສັນຍາຮ່ວມມືຫຼາຍສະບັບແລະໄດ້ກ້າວເຖິງຂັ້ນມີຄວາມຮັບຮູ້ຄືກັນທີ່ສຳຄັນຫຼາຍຂໍ້ກັບຈີນ, ຫວັງໃຫ້ສອງຝ່າຍຈົ່ງເພີ່ມທະວີການຮ່ວມມືໃນຂົງເຂດຫຼາຍກວ່າເກົ່າ. ອິນໂດເນເຊຍສະໜັບສະໜູນອາຊຽນຂະຫຍາຍການພົວພັນກັບຈີນ, ຍິນດີຮ່ວມກັບຈີນເພີ່ມທະວິການແລກປ່ຽນແລະປະສານງານກັນໃນວຽກງານສາກົນແລະພາກພື້ນໃຫ້ແໜ້ນແຟ້ນຂຶ້ນຕື່ມອີກ.
ຄຳເຫັນ
0