ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI:ວັນທີ 30 ພະຈິກນີ້, ການພົບປະບໍ່ເປັນທາງການຂອງຜູ້ນຳປະເທດບຣິກສ ໄດ້ຈັດຂຶ້ນຢູ່ນະຄອນຫຼວງບູນົສໄອເຣັດສ໌ຂອງອາກຊັງຕິນ. ທ່ານສີຈິ້ນຜີງ, ປະທານປະເທດຈີນ, ທ່ານມາຕາເມລາ ຊີຣີນ ຣາມາໂພຊາ, ປະທານາທິບໍດີອາຟຣິກາໃຕ້, ທ່ານມິເຊວ ເຕັມາມີ, ປະທານາທິບໍດີບຣາຊີນ, ທ່ານວາລາດີເມຍ ປູຕິນ, ປະທານາທິບໍດີຣັດເຊຍພ້ອມດ້ວຍທ່ານນາເຣນດຣາ ໂມດີ, ນາຍົກລັດຖະມົນຕີອິນເດຍໄດ້ເຂົ້າຮ່ວມການພົບປະ. ຜູ້ນຳຂອງ 5 ປະເທດດັ່ງກ່າວໄດ້ແລກປ່ຽນຄວາມເຫັນຢ່າງເລິກເຊິ່ງກ່ຽວກັບສະຖານະການດ້ານເສດຖະກິດໂລກ, ການຮັບມືກັບສິ່ງທ້າທາຍໃນປັດຈຸບັນນີ້, ການຮ່ວມມືລະຫວ່າງປະເທດບຣິກສແລະຫົວຂໍ້ອື່ນໆໂດຍໄດ້ບັນລຸຄວາມເຫັນທີ່ເປັນເອກະພາບກັນຢ່າງກວ້າງຂວາງ.
ທ່ານສີຈິ້ນຜີງໄດ້ມີຄວາມເຫັນວ່າ, ປັດຈຸບັນນີ້, ຄວາມສ່ຽງດ້ານເສດຖະກິດຂອງໂລກເພີ່ມຂຶ້ນ, ລັດທິຫຼາຍຝ່າຍ, ກົນໄກການຄ້າຫຼາຍຝ່າຍໄດ້ຮັບຜົນກະທົບ, ເຊິ່ງບໍ່ສອດຄ່ອງກັບຜົນປະໂຫຍດຮ່ວມກັນຂອງປະຊາຄົມໂລກ. ປະເທດບຣິກສຄວນເພີ່ມທະວີຄວາມສາມັກຄີກັນ, ເລືອກທິດທາງການພັດທະນາທີ່ຖືກຕ້ອງ, ຮັດແໜ້ນການແລກປ່ຽນແລະການປະສານງານກັນ, ສະແດງຄວາມຮັບຜິດຊອບ, ຮ່ວມກັນເລັ່ງລັດໃຫ້ການການບໍລິຫານໂລກໃຫ້ພັດທະນາໄປຕາມທິດທາງທີ່ຖືກຕ້ອງ, ປົກປັກຮັກສາສະຖຽນລະພາບ, ການພັດທະນາແລະຄວາມຈະເລີນຮຸ່ງເຮືອງຂອງໂລກ. ເຊິ່ງພວກເຮົາຄວນ:
1, ພວກເຮົາຕ້ອງສະໜັບສະໜູນລັດທິຫຼາຍຝ່າຍຢ່າງເດັດດ່ຽວ.
2, ພວກເຮົາຕ້ອງປັບປຸງການຄຸ້ມຄອງດ້ານເສດຖະກິດຂອງໂລກໃຫ້ສົມບູນກວ່າເກົ່າຢ່າງຕໍ່ເນື່ອງ.
3, ພວກເຮົາຕ້ອງສືບຕໍ່ເລັ່ງລັດການພັດທະນາຮ່ວມກັນຂອງແຕ່ລະປະເທດ.
4, ພວກເຮົາຕ້ອງພະຍາຍາມລົງເລິກການຮ່ວມມືຕົວຈິງຂອງບຣິກສໃຫ້ເລິກເຊິ່ງກວ່າເກົ່າ.
ທ່ານສີຈິ້ນຜີງກ່າວເນັ້ນວ່າ, ປະເທດບຣິກສລ້ວນແຕ່ແມ່ນສະມາຊິກທີ່ສຳຄັນຂອງກຸ່ມ 20 ປະເທດ , ຄວນຮ່ວມກັນສະໜັບສະໜູນໃຫ້ອາກຊັງຕິນຈັດກອງປະຊຸມສຸດຍອດຂອງຜູ້ນຳກຸ່ມ 20 ປະເທດຄັ້ງນີ້ຢ່າງສຳເລັດຜົນ, ປະສົບຜົນສຳເລັດຢ່າງຕັ້ງໜ້າທີ່ມີຄວາມຮັບຜິດຊອບຕໍ່ທົ່ວໂລກແລະມີຄວາມຮັບຜິດຊອບຕໍ່ປະຊາຊົນ, ອອກສຽງສະໜັບສະໜູນລັດທິຫຼາຍຝ່າຍ, ເພີ່ມທະວີການຮ່ວມມືສາກົນແລະຊຸກຍູ້ການໄດ້ຮັບຜົນປະໂຫຍດຮ່ວມກັນ.
ການພົບປະດັ່ງກ່າວໄດ້ອອກ “ຖະແຫຼງການຂອງການພົບປະບໍ່ເປັນທາງການບູນົສໄອເຣັດສ໌ຜູ້ນຳປະເທດບຣິຄສ”.
ຄຳເຫັນ
0