ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 1 ທັນວານີ້, ທ່ານສີຈິ້ນຜິງ ປະທານປະເທດຈີນໄດ້ສົ່ງສານເຖິງທ່ານໂດໂນ ທຣຳ ປະທານາທິບໍດີອາເມຣິກາ ເພື່ອໄວ້ອາໄລການມໍລະນະກຳຂອງທ່ານຈອດ ເຮີເບີ ໂວເຄີ ບຸສ ອະດີດປະທານາທິບໍດີອາເມຣິກາ. ທ່ານສີຈິ້ນຜິງໄດ້ຕາງໜ້າລັດຖະບານ, ປະຊາຊົນຈີນ ແລະໃນນາມສ່ວນຕົວ ສົ່ງຄວາມໄວ້ອາໄລການມໍລະນະກຳຂອງທ່ານຈອດ ເຮີີເບີດ ໂວເຄີ ບຸສ ອະດີດປະທານາທິບໍດີອາເມຣິກາ ແລະສະແດງຄວາມເຫັນໃຈຕໍ່ຄອບຄົວບຸສຢ່າງຈິງໃຈ.
ທ່ານສີຈິ້ນຜິງກ່າວວ່າ: ທ່ານຈອດ ເຮີເບີດ ໂວເຄີ ບຸສ ອະດີດປະທານາທິບໍດີອາເມຣິກາເປັນເພື່ອນມິດຂອງປະຊາຊົນຈີນ, ໃນໄລຍະ 40 ປີຜ່ານມາ, ໂດຍການເປັນສັກຂີພິຍານ ແລະຊຸກຍູ້ຂອງທ່ານ, ສາຍພົວພັນຈີນ-ອາເມຣິກາໄດ້ຮັບການພັດທະນາທີ່ມີລັກສະນະປະຫວັດສາດ ເຊິ່ງໄດ້ປະກອບສ່ວນອັນຕັ້ງໜ້າເຂົ້າໃນພາລະກິດສົ່ງເສີມມິດຕະພາບລະຫວ່າງປະຊາຊົນສອງຊາດ. ປະຊາຊົນຈີນບໍ່ຫຼົງລືມເລື່ອງດັ່ງກ່າວ.
ທ່ານສີຈິ້ນຜິງເນັ້ນວ່າ: ໃນໄລຍະຕໍ່ໜ້າ, ຜູ້ນຳ ແລະປະຊາຊົນສອງປະເທດຈະພະຍາຍາມຮ່ວມກັນ, ເຮັດໃຫ້ການພົວພັນຈີນ-ອາເມຣິກາກ້າວໜ້າຢ່າງບໍ່ຢຸດຢັ້ງ, ຂ້າພະເຈົ້າຍິນດີຮ່ວມກັບປະທານາທິບໍດີອາເມຣິກາ, ພະຍາຍາມຊຸກຍູ້ສາຍພົວພັນສອງປະເທດໃຫ້ສືບຕໍ່ພັດທະນາຕາມເສັ້ນທາງທີ່ຖືກຕ້ອງ.
ຄຳເຫັນ
0