ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນກອງປະຊຸມຖະແຫຼງຂ່າວຂອງກະຊວງການຕ່າງປະເທດຈີນ ໃນວັນທີ 3 ທັນວານີ້, ທ່ານເກີງສວງ ໂຄສົກກະຊວງການຕ່າງປະເທດຈີນຢືນຢັນວ່າ, ຈີນໄດ້ປະຕິບັດໜ້າທີ່ຕາມອາຍຸການປະເທດປະທານໝູນວຽນສະພາຄວາມໝັ້ນຄົງອົງການສະຫະປະຊາຊາດເປັນເວລາ 11 ເດືອນຢ່າງສຳເລັດຜົນ, ຜົນງານຂອງຈີນໄດ້ຮັບການຍ້ອງຍໍຊົມເຊີຍຢ່າງສູງຈາກບັນດາຝ່າຍ.
ທ່ານເກີງສວງກ່າວຕື່ມວ່າ: ຈີນຍຶດໝັ້ນປະຕິບັດຕາມຫຼັກການ “ຍຸຕິທຳ,ໂປ່ງໃສ,ມີປະສິດທິພາບສູງແລະຕິດແທດຕົວຈິງ” ໃນການເປັນປະທານຈີນໄດ້ຈັດກອງປະຊຸມ 35 ຄັ້ງ ໂດຍໄດ້ຮັບຮອງມະຕິ 6 ສະບັບ, ອອກຖະແຫຼງການ 7 ສະບັບ, ຈີນໄດ້ເສີມຂະຫຍາຍບົດບາດອັນຕັ້ງໜ້າໃນຖານະເປັນປະເທດສະມາຊິກຖາວອນສະພາຄວາມໝັ້ນຄົງ ແລະໄດ້ປະກອບສ່ວນທີ່ດີເຂົ້າໃນການຮັກສາສັນຕິພາບແລະຄວາມໝັ້ນຄົງຂອງໂລກ ເຊິ່ງໄດ້ຮັບການຍ້ອງຍໍຊົມເຊີຍຢ່າງສູງຈາກບັນດາຝ່າຍ. ຈີນຈະສືບຕໍ່ເຄົາລົບປະຕິບັດຕາມຈຸດປະສົງແລະຫຼັກການຂອງກົດບັດສະຫະປະຊາຊາດ, ຍຶດໝັ້ນລັດທິຫຼາຍຝ່າຍຢ່າງເດັດດ່ຽວໜຽວແໜ້ນ, ຕັ້ງໜ້າຊຸກຍູ້ການແກ້ໄຂບັນຫາຈຸດສຸມແລະຈັດຕັ້ງປະຕິບັດວິໄສທັດການພັດທະນາແບບຍືນຍົງປີ 2030, ສຸມທຸກຄວາມພະຍາຍາມເພື່ອຊຸກຍູ້ໃຫ້ອົງການສະຫະປະຊາຊາດເສີມຂະຫຍາຍບົດບາດຫຼາຍກວ່າເກົ່າໃນວຽກງານສາກົນ.
ຄຳເຫັນ
0