ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ສະມາຄົມຖົ່ວເຫຼືອງອາເມຣິກາອອກຖະແຫຼງການໃນວັນທີ 3 ທັນວານີ້, ຊົມເຊີຍຜູ້ນຳຈີນແລະອາເມຣິກາກ້າວເຖິງຄວາມເປັນເອກະພາບກ່ຽວກັບບັນຫາເສດຖະກິດການຄ້າໃນເມື່ອບໍ່ດົນມານີ້, ໂດຍໄດ້ຮຽກຮ້ອງໃຫ້ຟື້ນຟູການພົວພັນການຄ້າລະຫວ່າງສອງຝ່າຍໂດຍໄວແລະບັນລຸສັນຍາໄລຍະຍາວທີ່ຕ່າງຝ່າຍຕ່າງມີຜົນປະໂຫຍດ.
ທ່ານຈອນ ໄຮດອຟເຟີ ປະທານສະມາຄົມຖົ່ວເຫຼືອງອາເມຣິກາກ່າວໃນຖະແຫຼງການວ່າ, ຜູ້ນຳສອງປະເທດເຫັນດີປະຕິມັດມາດຕະການຜ່ອນຄາຍຄວາມຂັດແຍ້ງກັນດ້ານການຄ້າ, ນີ້ແມ່ນສັນຍານທີ່ດີເທື່ອທຳອິດທີ່ຊາວນາຜູ້ປູກຖົ່ວເຫຼືອງອາເມຣິກາໄດ້ຮັບຫຼັງລາຄາຖົ່ວເຫຼືອງຫຼຸດລົງແລະການສົ່ງອອກຖືກຢຸດສະງັກເປັນເວລາຫຼາຍເດືອນ. ຖະແຫຼງການກ່າວວ່າ, ທາງສະມາຄົມຫວັງໃຫ້ສອງປະເທດສາມາດບັນລຸສັນຍາໄລຍະຍາວ, ເຮັດໃຫ້ການພົວພັນເສດຖະກິດການຄ້າທີ່ຕ່າງຝ່າຍຕ່າງມີຜົນປະໂຫຍດຟື້ນຄືນໃໝ່.
ນັບແຕ່ເດືອນກໍລະກົດມານີ້, ສະມາຄົມຖົ່ວເຫຼືອງອາເມຣິກາເຄີຍສະແດງທ່າທີຫຼາຍເທື່ອແລ້ວວ່າ, ການກະທຳຂອງລັດຖະບານອາເມຣິກາທີ່ຂຶ້ນພາສີຕໍ່ສິນຄ້າທີ່ນຳເຂົ້າຈາກຈີນຈະທຳລາຍຜົນປະໂຫຍດຂອງຊາວນາອາເມຣິກາຢ່າງແນ່ນອນ, ແລະຮຽກຮ້ອງໃຫ້ຊອກຫາ “ວິທີແກ້ໄຂໂດຍບໍ່ຂຶ້ນພາສີ.”
ຄຳເຫັນ
0