ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 4 ທັນວານີ້, ທ່ານ ໄມ ພົມເພວ ລັດຖະມົນຕີກະຊວງການຕ່າງປະເທດອາເມຣິກາກ່າວໃນໄລຍະເຂົ້າຮ່ວມກອງປະຊຸມລັດຖະມົນຕີການຕ່າງປະເທດນາໂຕທີ່ນະຄອນຫຼວງບຣຸກແຊນປະເທດແບນຊິກວ່າ: ຣັດເຊຍໄດ້ລະເມີດສັນຍາຂີປະນາວຸດໄລຍະກາງ,ມີແຕ່ຣັດເຊຍຟື້ນຟູການປະຕິບັດສັນຍາຢ່າງຮອບດ້ານເທົ່ານັ້ນ,ຖ້າບໍ່ດັ່ງນັ້ນອາເມຣິກາຈະຢຸດຕິການປະຕິບັດສັນຍາດັ່ງກ່າວຫຼັງຈາກ 60 ວັນ.
ກ່ຽວກັບທ່າທີຂອງຝ່າຍອາເມຣິກາ, ທ່ານນາງ ມາເຣຍ ຊັກຄາໂຣວາ ໂຄສົກກະຊວງການຕ່າງປະເທດຣັດເຊຍກ່າວໃນວັນທີ 4 ທັນວານີ້ວ່າ: ຣັດເຊຍໄດ້ປະຕິບັດສັນຍາຂີປະນາວຸດໄລຍະກາງຢ່າງເດັດດ່ຽວໜຽວແໜ້ນມາໂດຍຕະຫຼອດ ເຊິ່ງອາເມຣິກາຮູ້ຢ່າງຈະແຈ້ງກ່ຽວກັບເລື່ອງນີ້.
ວັນທີ 20 ຕຸລາປີນີ້, ທ່ານ ໂດໂນ ທຣຳ ປະທານາທິບໍດີອາເມຣິກາໄດ້ປະກາດຈະຖອນອອກຈາກສັນຍາຂີປະນາວຸດໄລຍະກາງຍ້ອນຂໍ້ອ້າງວ່າຣັດເຊຍໄດ້ລະເມີດສັນຍາເປັນເວລາຍາວນານແລະສັນຍາດັ່ງກ່າວມີຄວາມຈຳກັດຕໍ່ການຄົ້ນຄວ້າຜະລິດອາວຸດໃໝ່ຂອງປະເທດຕົນ. ທ່ານ ວະລາດີເມຍ ປູຕິນ ປະທານາທິບໍດີຣັດເຊຍກ່າວໃນວັນທີ 24 ຕຸລາປີນີ້ວ່າ: ຖ້າອາເມຣິກາຖອນອອກຈາກສັນຍາຂີປະນາວຸດໄລຍະກາງ,ຣັດເຊຍຈະຕອບໂຕ້ກ່ຽວກັບເລື່ອງນີ້ໃນທັນທີ.
ຄຳເຫັນ
0